Ala mat ală đơng lam bồ Đảng, Dà lơgar jàu sră jờng rơ Cau ling khin cha jak chài Lơh broă pà gah Sền swì jăt sền làng bol in, Tổng Ƀí thư ồng Tô Lâm jờng rơ ală cồng nha dờng màng mờ gah Sền swì jăt sền làng bol neh lơh geh tàm sùm 65 nam do.

Tổng Ƀí thư sồr, jơh gùt gah Sền swì jăt sền làng bol tàm tơngai tus pal sùm jat nền mờ drơng lơh jat geh cồng nha kơnòl broă cíñ trị bơh Dà lơgar dê tàm rài bơtàu tơnguh brồ să bơh jơi bơtiàn dê, ai lơh broă bơh gah dê tàm tơrgùm bal mờ jơnau sồr bơt bơtàu Dà lơgar gơnoar adat boh lam sàh hội củ nghĩa, tàm tơngai Đảng he dê gam đơng lam lơh pràn tơl làm broă lơh tam gơl pa, lơh jat dơ̆ lĕ bal ală kơnòl broă kwơ màng, ală gùng dà broă lơh tam gơl pràn nàng bơtàu tơnguh mhar mờ kơ̆ kơl jăp Dà lơgar, sền gròi rài kis làng bol, gàr kơ̆ lơngăp lơngai is, gơnoar tờm, kơ̆ kơl jăp cíñ trị- mpồl bơtiàn mờ mut gơ rờm bal jrô ơnàng làm uă mờ dunia.