Jơnau đơs pơn dŭt pơrjum, Tổng Ƀí thư ồng Tô Lâm jờng rơ 5 cồng nha kwơ màng bơh mpồl Kwang àng làng bol dê neh lơh geh tàm tơngai do mờ uă broă lơh niam, bơceh lơh, di mờ mùl màl tàm broă lơh jăt gùng dà broă lơh bơh Đảng, Dà lơgar bè rài kis broă lơh broă sa mpồl bơtiàn, bè: Rơcang dan cih măt, dờp kơnòl lơh 15 hìu bơsram tàm ală càr tiah bơnơm, sàh tiah nhàr lơgar, kơlôi sơnơng, lơh geh 3 hìu bơsram 2 kấp ơm sa bic tơn, ròng kơnòm dềt geh rài kis gơtìp kal ke, kơnòm dềt jơi bơtiàn ờ gal cau, dong kờl càr Điện Biên tơn jơh tiah ờ geh ồs đèng tàm uă thôn làng bol kòn cau Mông.

Đơs tus bè gùng dà bal mờ kơnòl broă lơh tàm tơngai tus, Tổng Ƀí thư ồng Tô Lâm sồr, Đảng ủy Kwang àng Dà lơgar mờ Ƀộ Kwang àng pal ring bal git bè jơnau kờñ uă ngan sền gàr Đảng, sền gàr rài, sền gàr lơngăp lơngai dà lơgar tàm tơngaoi kăc màng pa, ờ lời dà lơgar gơtìp ờ thàn, ni sơna bè đah broă kwơ màng.