Đơs tàm dơ̆ sồr lơh tàm pơrjum, Tổng Ƀí thư đơs nền, tŭ do gùt lơgar gam tam gơl pràn kơl dang, jơnau kờñ bơh Đảng dê di bal mờ nùs nhơm làng bol tàm jơnau kơ̆p kờñ mŭt tàm rài pa, rài brồ să bơh jơi bơtiàn dê, lơh ngan lơh gơs 2 jơnau kờñ 100 nam (100 nam dà lơgar tềng đăp mờ broă đơng lam bồ bơh Đảng mờ 100 nam crơng gơs dà lơgar).

Is ồn, nam 2025 là nam geh geh kwơ màng ngan nàng lơh geh bơnàng jă ai rài pa in, mờ 3 kơnòl broă dờng pal lơh gơs là: Tơn jơh Jơnau lơh nền tàm pơrjum sồ 18 mờ tam gơl pa, rơndăp tăp sèng mpồl kwang bàng lơh broă cíñ trị. Tơnguh mhar, pràn nàng lơh jăt ală jơnau kờñ, kơnòl broă bơh tơngai lơh broă Pơrjum dờng dơ̆ XIII mờ Bơyai lơh pơrjum dờng đảng ală kấp mờ rơcang niam ngan ală bơta nàng bơyai lơh geh cồng nha Pơrjum dờng dơ̆ XIV Đảng dê. Den tàng, tơl nă kwang bàng tàm Cơl dŭ lơh broă Đảng Dà lơgar pal rơcang, kơlôi sơnơng bè kơnòl bơh să tờm dê nàng pơgồp bal tàm ală broă lơh dờng dà lơgar dê.