Gờm chờ ồng Shoigu mờ Mpồl kwang bàng ala mat Mpồl duh broă Lơngăp lơngai lơgar Nga tus còp Việt Nam, Tổng Ƀí thư ồng Tô Lâm đơs nền dơ̆ lòt còp dơ̆ do geh gơtha kwơ màng, pơgồp bơnah sơlơ tơnguh rlau tai lơh broă bal đah ală anih lơh broă mìng lơh dùl kơnòl broă 2 lơgar dê tàm gah lơngăp lơngai, sền gàr Dà lơgar mờ uă gah lơh broă bal kwơ màng ndai.

Tổng Ƀí thư đơs sùm, Việt Nam crăp rcang sơlơ tơnguh tai mờ lơh rbàng tàm tơrbŏ bal, mpồng mut nàng lơgar Nga in sơlơ tơnguh tai lơh broă bal uă bơta mờ Asean mờ ală lơgar tàm mpồl Asean. Bàr gah cribơyai bè sơlơ tơnguh tai ală gah lơh broă bal ndai mờ ring bal kờñ pal sơlơ tơnguh tai ală broă lơh lơh broă bal lơh sa- kă bro phan, pờ ơnàng lơh broă bal tàm năng lượng, nhơm zờu, broă lơh sa suơn sre, mòn lơh rơndeh par mờ măi mok pa; mơkung pơn jờng sơlơ tơnguh tai tam klăc bal đah ală tiah, mpồl lơh sa kă bro mờ mpồl lơh sa 2 lơgar dê nàng kờñ lơh geh bơta gơn kơnờm pa ai bơta gĭt gơ̆p lơh broă bal đah 2 gah.