Tàm dơ̆ wă, Tổng Ƀí thư ồng Tô Lâm đơs sùm bơta kuơmàng sồ dùl bơh năng lượng dê gơ wèt mờ jơnau kờñ bơtàu tơnguh pràn bơh Việt Nam dê, sồr GE Vernova pơn jat tai ngui bơta pràn mờ bơta mờng chài, chồl tơnguh lơh broă bal jrô ơnàng rlau tai mờ Việt Nam tàm ală gah phan bơna, măi mok mờ cau lơh broă bè năng lượng, là mpồl lơh broă bal kuơmàng ngan bơh Việt Nam dê tàm broă lam lơh jat Jơnau lơh nền tàm pơrjum sồ 70 bơh Ƀộ Cíñ trị dê bè gàr tơl năng lượng dà lơgar tus nam 2030, broă rơndap lơh tus nam 2045.

Củ tịc Tập đoàn GE Vernova ồng Scott Strazik đơs sùm, Tập đoàn sùm crăp rơcang là rbàng tơrbŏ đah mpồl lơh sa kă bro mờ gơnoar atbồ 2 lơgar, lòt bal mờ Việt Nam ờ mìng tàm jơnau kờñ gàr tơl năng lượng mờ gam jơh bal tàm tŭ tơngai lam lơh jat ală jơnau kờñ bơtàu tơnguh lơh sa – mpồl bơtiàn bơh Việt Nam dê.