Tàm hơ̆, Jơnau rơcang cih Jơnau Yal cíñ trị tơrgùm ndrờm bal 3 Jơnau yal (Jơnau yal cíñ trị, Jơnau yal lơh sa - mpồl bơtiàn mờ Jơnau yal tơn jơh broă bơ̆t bơtàu Đảng) ai geh dùl jơnau lơh gơs dùl pang ring bal, tơl làm, loh broă tờm, loh anih, ờ jòng, ƀuơn wă, ƀuơn kah, ƀuơn lam lơh. Broă lơh, lơh jăt Jơnau lơh nền tàm Pơrjum dờng dơ̆ XIV ai tơngŏ loh “cau tờm, tơngai, bơta pràn, anih tus” nàng lam lơh jăt.

Tổng Ƀí thư ồng Tô Lâm đơs loh: Bơta niam, bơta pràn, bơngă, pin dờn ală lơgar dà lơgar dê geh bè tŭ do là bơta tơrgùm bal, pơgồp bal bơhiàn ờs mờng niam chài bơh git nđờ rơbô nam bơ̆t bơtàu dà lơgar mờ sền gàr dà lơgar; là cồng nha bơh 96 nam bơ̆t bơtàu mờ bơtàu tơnguh dà lơgar tềng đăp mờ broă đơng lam bơh Đảng; là cồng nha bơh 40 nam tam gơl pa; là broă phi să, ờ git să tờm bơh git nđờ rơnàng cau ling kăc màng, ală đảng viên kộng sản, bơh làng bol, bơh oh mi neh jơh nùs lơh broă, lơh sa, khin cha tam lơh, phi să. Bè jơnau kờñ bơtàu tơnguh dà lơgar tơngai bơh nam 2026 tus 2030 mờ wèt tus nam 2045, Tổng Ƀí thư pà git, gàr niam bơta ring lơngai, kơl jăp; bơtàu tơnguh mhar, kơl jăp dà lơgar; gơguh mờ tơnguh tơl ală bơta rài kis làng bol; rơcăng lài is broă lơh, kơnờm tàm bơta pràn is, pin dờn, guh pràn tàm rài pa jơi bơtiàn dê.

Lơh ngan lơh geh khà gơguh GDP bơh 10% tàm 1 nam rơlao hờ đang; priă lơh geh kờp bal dùl nă cau tus nam 2030 geh pơgăp 8 rơbô 500 Dolar Mỹ. Nàng lơh geh mùl màl ală jơnau kờñ, Jơnau yal cíñ trị ai 12 gùng dà broă lơh dờng; 6 kơnòl broă tờm mờ 3 broă lơh pràn kwơ màng. Tổng Ƀí thư đơs là, mŭt tàm tơngai lơh broă Pơrjum dờng dơ̆ XIV dê, jơnau geh ai pal geh lơh pràn, lơh mhar, lơh tus gùng tus dà. Tềng đơm bồng bi Đảng, gùt Đảng, gùt làng bol bal mờ gùt ling klàng pal pràn, dùl nùs bal, gàr nùs nhơm pin dờn, tơlik uă kơnòl, tơnguh bơta ngăc ngar, lơh geh nùs nhơm kơ̆p kờñ; lơh nàng pah nam, pah nhai, pah ngai tơnơ̆ mờ Pơrjum dờng ndrờm geh cồng nha mùl màl, geh tam gơl mùl màl; nàng Làng bol gŏ, làng bol pin dờn, làng bol kờñ bal, Làng bol lơh broă bal mờ Làng bol geh dờp.