Tổng Ƀí thư jờng rơ bơta lơh ngan bơh kwang bàng, cau cih ƀău ƀău Ñân zân dê tŭ git nền: Tềng lơi geh làng bol den tềng hơ̆ geh Ƀău Ñân zân, tơlik kơnòl pal lơh bè lơi nàng sră ƀău ngai sơlơ đềt mềr, gơ hòi gơ jà cau sền mờ ngan ngồn. Tổng Ƀí thư đơs loh, sră ƀău kac màng đơs bal, ƀău Ñân zân đơs is pal lơh di, lơh pràn, lơh niam, gơ hòi gơ jà, gơ glòm jơh. Ƀău pal là sră ƀău bơh nùs nhơm làng bol, jơnau đơs làng bol dê, tề lam mpồl bơtiàn, gàr kơ̆ bơta pin dờn, tơnguh bơta kơp kờñ, lơh gơlik bơta ring bal tàm jơh gùt mpồl bơtiàn.

Tổng Ƀí thư đơs 9 jơnau tơngkah nàng mpồl đơng lam, kwang bàng tờm bơh ƀău Ñân zân pal lam lơh jat tàm tơngai tus. Ƀău kờñ pal pơn jat tai tam gơl pràn broă lơh mblàng yal jơnau uă bơta, loh jơnau kờñ lơh geh, geh nùs nhơm, gàr kơ̆ bơta duh rơngòt adat boh lam lơh broă, lơh ngan brồ guh drơng jơnau kờñ kơnòl pal lơh pa, pơgồp bơnah bal mờ gùt Đảng, gùt làng bol mờ gùt ling klàng he lơh tus geh jơnau lơh nền tàm pơrjum dờng dơ̆ XIV bơh Đảng dê tài jơnau kờñ bơt bơtàu dùl lơgar Việt Nam ring lơngai, lơngap lơngai is, làng bol lơh tờm, pas pràn, bơtàu tơnguh, gơguh jak, gơboh gơbài, cơnđuà kơ̆ brồ guh tus củ nghĩa sàh hội.