Jơnau lơh nền toh glài tơngklàs jam nam 2026 pơn jat tai đơs nền loh nùs nhơm ờ tŭ lơi tam gơl; gàr niam bơto pơgồp bal niam đah bơta song dơ pă bơh adat boh lam mờ broă lơh dong kờl toh glài, geh ală bơta; broă sền sơ wì toh glài tơngklàs jàm geh lơh jat kơrhia ngan, di cau, pơgồp bal mờ jơnau sồr gàr kơ̆ broă duh rơngòt kơrnoat boh lam, rơndăp tăp sèng, lơngăp lơngai mpồl bơtiàn.

Sền gròi ngan là broă ai lơh jat Jơnau lơh nền toh glài tơngklàs jàm tàm ngai lơh broă sơn rờp bơh Củ tịc lơgar dê tơn tơngai lơh broă bơh nam 2026-2031 tơngŏ nùs nhơm ờ tŭ lơi tam gơl bơh Đảng mờ Dà lơgar he dê; kơ̆ nùs jơnau pal jat sền dờng màng adat boh lam, gàr kơ̆ duh rơngòt kơrnoat boh lam, adat boh lam dà lơgar, mơkung lơh jat broă lơh dong kờl kòn bơnus geh kơnòl, pơgồp bal niam mờ jơnau sồr atbồ mpồl bơtiàn; gàr niam bơta ring bal đah bơta song dơ pă bơh adat boh lam mờ bơta niam bơnĕ tàm sền gĭt jơnau kờñ mờ lơh jat broă lơh, wèt tus bơta kơ̆ kơl jăp mpồl bơtiàn mờ bơtàu tơnguh kơnhăp kơ̆ bơh dà lơgar dê.