VOV4.K'Ho - Drim ngai 18/01, Củ tịc Quôk hội Hàn Quôk ồng Kim Jin-pyo mờ pơ ùr bal mờ Mpồl kwang bàng kâp dờng Quôk hội Hàn Quôk neh lik rê bơh càr lơgar Hà Nội, tơn jơh niam bơnĕ dơ̆ lòt còp ngan ngồn Việt Nam jat jơnau jà bơh Củ tịc Quôk hội ồng Vương Đình Huệ dê bơh ngai 12 tus ngai 18/01/2023.

VOV4.K'Ho - Di wă rò nam pa, sa tềp bơhiàn yau jơi bơtiàn dê- sơnam pa Quý Mão 2023, drim ngai 18/01 (hơ̆ là ngai 27 nhai 12 nam lơgar he dê) ala mat kwang đơng lam bồ Đảng, Dà lơgar, Thủ tướng Cíñ phủ Phạm Minh Chính neh tus nting bơr sa tềp hìu bơnhă, chu ñàng kah kơlôi Thủ tướng lài do ƀồc ồng Phạm Văn Đồng mờ Đại tướng Võ Nguyên Giáp.

VOV4.K'Ho- Thàñ ủy, Hội đồng Nâñ zân, Ủy ƀan Ñân zân, Ủy ƀan Mặt trận Dà lơgar Việt Nam ƀòn dờng Hồ Chí Minh bơyai lơh Dơ̆ chu ñàng pơdơng duh khoai bañ mbar klơm kơnâm jòng ai Bơtau Hùng Vương- Bơtau sơn rờp bơh dà lơgar dê in Hùng Vương di dơ̆ sa tềp dà lơgar nam 2023.

VOV4.K’Ho- Drim ngai 16/01, Củ tịc Quôk hội ồng Vương Đình Huệ tus còp, gờm chờ sa tềp, pà phan mpồl ling phàu crong, hìu bơnhă cíñ sác, làng bol kòn cau dùl ết nă cau, kông ñân cau lơh broă geh rài kis kal ke tàm ù tiah kơnhoàl Bát Xát, càr Lào Cai.

VOV4.K'Ho - Drim ngai 17/01, càr Bến Tre bơyai lơh tơngkah kir sơnrai 63 nam ngai Bến Tre ntàu tam lơh (17/01/1960 – 17/01/2023); jờng rơ mờ jàu pà khà jờng “Làng bol ntàu tam lơh pơn rơ jak”, “Làng bol ntàu tam lơh pơn iờ să”, jàu pà Huy hiệu Đảng di ngai 03/02.

VOV4.K’Ho- Mho ngai 17/01, tàm hìu duh broă Đảng Dà lơgar, Tổng Ƀí thư ồng Nguyễn Phú Trọng neh wă rò Củ tịc Quôk hội lơgar Hàn Quôk ồng Kim Jin Pyo gam geh dơ̆ lòt còp ngan ngồn lơgar Việt Nam.

VOV4.K’Ho- Ƀan Cấp hàñ Đảng dà lơgar khoă 13 neh pơrjum nàng sền sơwì mờ pơgồp jơnau đơs bè jơnau kơ̆p kờñ lời at ală gơnoar broă, ơm lơh broă mờ ơm jơh sơnam lơh broă bơh ồng Nguyễn Xuân Phúc, Củ tịc lơgar Kộng hoà xã hội củ nghĩa Việt Nam, Củ tịc Mpồl duh broă sền gàr dà lơgar, sền gàr bơta bơta lơngăp lơngai tơngai bơh nam 2021 tus 2026.

VOV4.K’Ho- Di tàm bồ nam, nam pa, mho òr (06/01), tàm ƀòn dờng Kon Tum, Ƀan Thường vụ Tỉñ ủy Kon Tum bơyai lơh tìp măt cau ngăc ngar, cau đơs crih tamya, cau cih sră ƀăo nam 2023.

VOV4.K’Ho- Ngai òr (16/01), tàm broă lơh tàm càr Cao Bằng, Thủ tướng Cíñ phủ ồng Phạm Minh Chính neh tus sền Rơndăp broă lơh gùng ntoăt jờl Đồng Đăng – Trà Lĩnh mờ broă lơh Tiah lơh sa mpồng nhàr dà lơgar Cao Bằng – ală bơta gơn kơnờm tơnguh bơtàu pa jŏ jòng gơwèt mờ càr do dê.

VOV4.K’Ho- Di dơ̆ sa tềp Dà lơgar Qúy Mão 2023, ngai 16/01, tàm Hìu Yàng Phờk Huê Nghiêm, ƀòn dờng Hồ Chí Minh, Củ tịc lơgar ồng Nguyễn Xuân Phúc neh tus còp, gờm chờ sa tềp Đại lão Hoà thượng Thích Trí Quảng, Pháp chủ Hội đồng Chứng minh Gah jat Yàng Phờk Việt Nam dê.