VOV4.K’Ho- Di bồ nam pa, drim òr (27/01), tàm Hìu Quốk hội, Củ tịc Quốk hội ồng Vương Đình Huệ neh tìp măt ală Kwang bàng Quốk hội drơng broă tàm Dà lơgar; kwang bàng, kông cứk, viên cứk, cau lơh broă gơwèt Cơl dŭ lơh broă Quốk hội.

VOV4.K’Ho- Di satềp ờs mờng dà lơgar dê – Nam pa Quý Mão 2023, drim òr (27/01) hơ̆ là ngai 6 nhai 01 jăt tơngai àng kơnhai dê. Thủ tướng Cíñ phủ ồng Phạm Minh Chính neh tus chu ñàng kah kơlôi Củ tịc Hồ Chí Minh mờ tus dơ̆ lam lơh satềp tam chi Rài rài kah ưn ngài Wa Hồ tàm Tiah tềl kah yau K9 – Đá Chông, kơnhoàl Ba Vì, ƀòn dờng Hà Nội.

VOV4.K'Ho - Gah nhơl chờ geh càr Dăk Nông git nền là 1 tàm 3 gah tờm ngan bơtàu tơnguh lơh sa. Git tam gơl sồ tàm gùng dà pal geh, tơngai lài, càr Dăk Nông neh lam lơh uă broă lơh chồl pràn tam gơl sồ tàm ală broă lơh nhơl chờ, yal tơnggit nàng kờñ cèng wơl bơta sền git ngan ngồn pa, lơh gơlik tam gơl pràn nàng gơ hòi gơ jà nac nhơl chờ.

VOV4.K'Ho - Drim ngai 27/01, Thủ tướng Phạm Minh Chính neh lòt sền broă lam lơh crơng gơs rơndap broă lơh mờ ai ù lơh Rơndap broă lơh bơcri priă lơh gùng pleh 4- Tiah càr lơgar Hà Nội.

VOV4.K’Ho- UɃÑZ ƀòn dờng Kon Tum neh sơn đờm lơh jăt uă broă rơndăp lơh mùl màl nàng lơh gơs, gàr niam ală jơnau kờñ mờ ai dà dờng Đăk Bla là tiah tờm nàng tơnguh bơtàu ƀòn drà.

VOV4.K’Ho- Kung tàm mho òr (26/01), tàm càr Ninh Thuận, Thủ tướng ồng Phạm Minh Chính lam lik lơh rơndăp broă lơh niam wơl gơl gùng bơh Nha Trang tus Sài Gòn, gơl gùng rơndeh ồs bơh Hà Nội tus ƀòn dờng Hồ Chí Minh.

VOV4.K’Ho- Mho ngai 26/01, hơ̆ là ngai 05 sa tềp, Thủ tướng ồng Phạm Minh Chính lòt sền, sồr mhar lơh rơndăp broă lơh Nha Trang- Cam Lâm gơwèt rơndăp broă lơh gùng rơndeh ntoăt răt đah Tô- đah Jum tiah đah mat tơngai lik tơngai dơ̆ 1, lòt còp, mờ nting bơr gờm chờ sa tềp kwang bàng, cau lơh broă tus bal lơh rơndăp broă lơh do.

VOV4.K'Ho - Mờ jơnau kờñ “Tam gơl sồ sơn đờm bơh làng bol, ai làng bol lơh tờm”, kơnhoàl Krông Păk, càr Dăk Lăk neh dùl ròt lam lơh uă broă lơh ai tam gơl sồ mut ngan ngồn tàm rài kis, rơhời lơh gơlik mpồl bơtiàn sồ bơh tơl thôn, ƀòn. Broă lơh do neh cèng wơl cồng nha, dong làng bol git bè tam gơl sồ, rơhời ngui tàm rài kis pah ngai.

VOV4.K’Ho- Nam 2022 geh dùl bơta tam gơl chờ hờp tàm broă lơh sa ală ƀòn kòn cau càr Kon Tum dê, hơ̆ là broă ngui khoa họk, kông nghệ tàm lơh sa. Bơh broă tus bal lơh broă tàm ală Hợp ták xã, mpồl lơh sa kă bro mờ broă tam jào khoa họk kỹ thuật bơh gơnoar atbồ, gah lơh broă geh gơnoar. Ală ơruh pơnu kòn cau tàm càr neh git ngui mờ lơh geh cồng nha.

VOV4.K’Ho- Kơnờm mờ uă bơta phan tam, tàm hơ̆ uă ngan là tam tờm chi lơh sơnơm, biăp, bơkào jăt broă lơh sa suơn sre kông nghệ kao, làng bol kòn cau K’Ho kis tàm xã Dà Sar, kơnhoàl Lạc Dương, càr Lâm Đồng neh brồ guh klàs mờ rơƀah, bơ̆t bơtàu rài kis pa hờm ram.