Jơnau tơng^t tàm lơgar:

Mho òr, pơrjum dờng gah tề lam gùng dră bal Việt Nam dơ\ 8 neh lơh broă dơ\ sơnrờp tềng đăp mờ broă đơng lam bơh ồng Nguyễn Thiện Nhân, kuang atbồ anih duh broă gah tề lam gùng dră bal Việt Nam. Rơlao 1 rơbô nă kuang bàng ala măt tus pơrjum neh ring bal uă tơngu me kuơ màng tus mờ pơrjum dờng dơ\ 8, Gah tề lam gùng dră bal Việt Nam mùl màl mu\t pơrjum tàm drim do ngai 26/9. Ai bơh tàm kơrnoăt Gah tề lam gùng dră bal Việt Nam, pơrjum dờng neh cri bơyai mờ pồ mpồl kuang bàng atbồ geh 56 nă kờ` đơng lam pơrjum dờng mờ 5 nă cau tàm mpồl lơh cau dong broă. Ală kuang bàng kung neh ring bal kơrnoăt, broă lơh bơh pơrjum dờng dê. Tàm dơ\ lơh broă, ồng Vũ Trọng Kim, kuang jăt jơng atbồ mờ là gơnoar atbồ mpồl dong broă dà lơgar anih duh gah tề lam gùng dră bal Việt Nam neh yal jơnau sền wơl broă lơh anih duh broă, mpồl kuang atbồ mờ mpồl duh broă sùm anih duh broă dà lơgar gah tề lam gùng dră bal Việt Nam kơnă 7. Jơnau yal đơs loh ală cồng nha neh geh kung bè ờ uă broă kal ke, ờ pràn tàm tơngai lơh broă lài do, tàm hơ\ uă ngan là ală broă mờ mpồl kuang atbồ ờ pràn tàm broă tus bal bơ\t bơtàu adăt boh lam, broă sền gròi mờ dră wơl, đơng lam broă drơng, sền gàr gơnoar, bơta kuơ làng bol.

Ngai òr, tàm Hà Nội, anih duh broă bè ală bơta mpồl bơtiàn bơh Gơnuar ala măt dà lơgar dê mu\t lơh dơ\ pơrjum dơ\ 9 bè broă mu\t lơh kơnòl broă mờ kờp du\ lài kes priă dà lơgar nam 2014, bơ\t bơtàu kờp du\ lài kes priă dà lơgar nam 2015, ală broă lơh tơnguh jơnhoa bơta niam kham sơm kòp, tơnguh jơnhoa nùs nhơm cau lơh sơnơm tàm gah lơh sơ nơm, ătbồ dà lơgar tus mờ cau lơh sơnơm is. Jăt jơnau yal bơh Gah lơh sơnơm dà lơgar dê, tàm 9 nhai do, gah lơh sơnơm neh mu\t lơh kờp du\ lài kes priă dà lơgar jăt gùng dà kờp sền niam ală bơnah priă tă ngui kes priă dà lơgar. Kes priă gùt gah lơh sơnơm kờp du\ mu\t lơh là rlau 79 rbô tơmàn. Kes priă bơh Gah lơh sơ nơm dà lơgar ătbồ kờp du\ mu\t lơh rlau 11 rbô tơmàn. Priă tă lơh ală broă lơh jơnau kờn dà lơgar neh geh ai lài ai broă blơi sơ nơm vaccine, phan ngui ci\t sơ nơm rcăng sơndră kòp, blơi sơ nơm kòp bơ siă mhàm, dà sơ nơm rcăng sơndră kòp mprơm, kòp mprơm gơlik mhàm. Bơh cribơyai, ală kuăng bàng tơlik nùs nhơm ring bal mờ jơnau yal bơh Gah lơh sơ nơm dà lơgar dê, mơya ờ uă jơnau đơs đơs là, tàm ờ uă broă lơh ờ hềt geh ơn tàm măt broă lơh kờn pal lơh lài, tàm hơ\ geh bơnah priă tă ai gah lơh sơ nơm rcăng gàr lài in ờ hềt geh đơs tus, tàm tu\ ală bơnah priă dong kờl dunia gam ngai sơlơ gơmù tàm tơngai tus.

Mpồl kuang bàng gùng dră bal gah ling klàng làng bol Việt Nam geh Thượng tướng Ngô Xuân Lịch, kuang atbồ gah gùng dră bal ling klàng làng bol Việt Nam lam bồ gam geh dơ\ tus còp mờ lơh broă tàm lơgar Campuchia bơh ngai 24 tus 27/9. Drim òr, mpồl kuang bàng neh cri bơyai mờ mpồl kuang bàng ala măt gah lơh broă gơwèt gah sền gàr dà lơgar Campuchia geh Đại tướng Neang Phat, kuang geh jơng tàm gah sền gàr dà lơgar Campuchia lam bồ. Tàm dơ\ cri bơyai, 2 gah neh ring bal tơnguh rơlao tai broă lơh bơyô, tam klăc, lơh broă bal tơl mờ ală bơta bơh ling klàng mờ làng bol 2 lơgar Việt Nam mờ Campuchia. Thượng tướng Ngô Xuân Lịch mờ Đại tướng Neang Phat chờ hờp go\ broă lơh bal bơh 2 lơgar đơs bal mờ ling klàng 2 lơgar đơs is gam sơlơ ngai sơlơ tơnguh bơtàu niam bơne\.

Mho ngai òr, bòn dờng Hà Nội tìp măt cau ala măt ală anih lơh bău di tơngkah 60 nam ngai tơnklàs càr lơgar (10/10/1954 -10/10/2014). Đơs tàm dơ\ tìp măt, ala măt ală anih lơh bău ndrờm tơlik nùs nhơm geh kơnòl tàm broă mblàng yal bè càr lơgar Hà Nội di pal là plai nùs bơh gùt lơgar dê. Ồng Nguyễn Đăng Tiến, Kuăng ătbồ dờng anih jơnau đơs Việt Nam đơs tờm, bơh tu\ crơng gơs tus tu\ do, anih jơnau đơs Việt Nam sùm lơh broă bal mờ broă lơh bơh càr lơgar Hà Nội dê, geh bal tàm 2 rài tam lơh mờ tàm tơngai tu\ do.

Dan yal ală jơnau tơng^t kuơ màng ndai:

Ngai òr, anih duh broă [òn drà Gia Nghĩa, càr Dak Nông neh bơyai lơh pơrjum dờng kuang bàng ală jơi bơtiàn kòn cau [òn drà dơ\ 2, nam 2014 mờ broă tus bal bơh 150 nă cau ala măt rơlao 5 rơbô nă làng bol kòn cau kis tàm [òn drà do. Đơs tàm pơrjum dờng, bal mờ broă pơn jờng, dờp ală cồng nha neh geh tàm broă lơh gah kòn cau tàm [òn drà, mò Nguyễn Thị Ngọc Lệ, kuang jăt jơng atbồ anih duh broă càr Dak Nông sồr tàm tơngai tus, [òn drà Gia Nghĩa pal pơn jăt tai sền gròi, ai tơl bơta niam làng bol ală kòn cau in ring niam rài kis, tơnguh bơtàu lơh sa-mpồl bơtiàn. Kuơ màng ngan, làng bol ală kòn cau pal pơn jăt tai tơnguh nùs nhơm lơh is, tam klăc bal, dong kờl bal sơloèt mờ kal ke, tơn jơh jơgloh, tơmù rơ[ah, sền gàr mờ tơnguh ală bơta kuơ chài rơgơi ờs mờng kòn cau dê.

Drim ngai òr, ồng Hoàng Văn Khiêu, Kuăng ătbồ Hìu bơsrăm kai I Trần Phú, bòn dờng Kon Tum, càr Kon Tum đơs tờm, hìu bơsrăm neh jơh lơh broă tơm wơl 118 tơlăk priă ai mè bèp kơnòm bơsrăm in, tài tă ờ di mờ adăt boh lam. Ală bơnah priă tă tìs mờ adăt boh lam tàm hìu bơsrăm kai 1 Trần Phú geh sền go\ bơh mpồl lòt sền làm gah bơh anih duh broă làng bol bòn dờng Kon Tum dê. Mblàng bè ală bơnah priă tă tìs mờ adăt boh lam do, ồng Hoàng Văn Khiêu, Kuăng ătbồ Hìu bơ srăm kai 1 Trần Phú, bòn dờng Kon Tum đơs là: Ală bơnah priă tă do hìu bơsrăm mìng tă mờ ngui ing gời, tài jơh ală mè bèp kơnòm bơsrăm neh ring bal is tă pơgồp nàng sền gròi ai oh kòn he dê in. Mơya, ồng kung đơs là do là jơnau bơsrăm pal kah ngan tus mờ hìu bơsrăm.

Drim òr, mpồl ơruh pơnu ală anih lơh broă càr Daklak neh pơgồp bal mờ anih lơh sa kă bro sền gàr màng kis Prudential Tây Nguyên mờ mpồl dong kờl sơnơm sơm ba phan bơna kơnhoàl Krông Păc, càr Daklak jàu broă lơh ơruh pơnu “Hìu nùs nhơm” ai hìu nhă ồng Phạm Văn Hùng, kis tàm [òn 2B, ntum Hoà Tiến, kơnhoàl Krông Păc in. Hìu do ơnàng 60 thơ\k buơng mờ khà priă lơh gơs rơlao 50 tơlăk priă. Neh g^t, do là broă lơh dờp bal dơ\ lam sồr “Tơl mpồl, tơl nă cau geh pơgồp mờ anih lơh broă nùs nhơm” geh mpồl dong kờl sơnơm sơm ba phan bơna dà lơgar lam sồr kờ` dong kờl ală hìu nhă geh rài kis kal ke tơnguh tàm rài kis.

Dơ\ 1 c^t sơ nơm vaccine kòp sởi mờ rubella tàm càr Điện Biên mu\t lơh bơh ngai 22 nhai 9 tus ngai 20 nhai 10 tàm 3 kơnhoàl là Mường Nhé, Nậm Pồ, mờ Mường Chà. Do là ală kơnhoàl gùng lòt kal ke ngan rlau jơh tàm càr. Pơn jăt hơ\, dơ\ 2 geh c^t tàm ală kơ nhoàl: Tủa Chùa, Tuần Giáo, Mường Ẳng bơh ngai 27 nhai 10 tus ngai 27 nhai 11. Dơ\ 3 geh c^t tàm ală kơnhoàl, bòn drà mờ [òn dờng gam wơl bơh ngai 24 nhai 11 tus ngai 24 nhai 12. Tàm dơ\ c^t sơ nơm do, càr Điện Biên geh pơgăp 160 rbô nă oh pal c^t sơnơm rcăng sơndră kòp. Là càr kơh bơnơm, gùng lòt gam kal ke den tàng càr Điện Biên lơh ală anih c^t tờm tàm ală hìu bơ srăm mờ mu\t lơh jăt broă lơh c^t jăt tơl kơnhoàl nàng kờn ờ gơtìp lời h^u dùl nă cau lơi.

Jơnau tơng^t dunia:

 Mho òr, tàm càr lơgar Vientiane, lơgar Lào, anih priă jền lơgar Lào mờ lơgar Việt Nam gam sơnđan là (Laovietbank-LVB) mờ anih lơh sa kă bro gùng jàu priă jền Việt Nam (Banknet) neh bơyai lơh mu\t ngui broă tă priă bơh ATM Laovietbank pơgồp bal mờ broă lơh Banknetvn. Tus bal mờ lơh broă broă lơh sơnrờp geh ồng Vương Đình Huệ, kuang atbồ gah lơh sa dà lơgar mờ ồng Nguyễn Mạnh Hùng, kuang ala măt lơgar Việt Nam tàm lơgar Lào mờ gal ală kuang bàng tàm anih priă jền 2 lơgar Việt Nam mờ Lào. Do là anih priă jền sơnrờp ngan tàm lơgar Lào geh dờp broă tă priă mờ ală măy ATM tàm gùt lơgar Lào mờ lơgar Việt Nam. Broă pơgồp bal do geh jun priă bơh lơgar Lào tus lơgar Việt Nam mờ sơlơ\u wơl geh cồng nha ni sơna, tơmù uă ngan khà priă bơcri cau năc in.

Cơldu\ lơh broă ala măt lơgar Mỹ ngai òr, pà g^t, tơnơ\ dơ\ pơrjum đah ala măt kă bro lơgar Mỹ mờ Kuăng ătbồ Gah lơh sa priă jền lơgar Nhờk dê tàm lơgar Mỹ ngai 24 nhai 9, bàr gah neh ờ lơh geh dùl cồng nha lơi nàng wèt tus broă k^ pơrgon kơrnuăt kă bro bal khăt gơboh gùt Thái Bình Dương-TPP. Jăt ồng Micheal Froman, ala măt kă bro lơgar Mỹ, tàm dơ\ cri bơyai kơnă kuăng bàng lơh broă mờng chài tàm ngai 24 nhai 9, 2 gah neh ờ ring bal geh ală bơta kal ke tàm ờ uă broă. Mơya, jơh bal bàr gah ndrờm ring bal pơn jăt tai mu\t lơh ală dar cri bơyai pơn jăt tai tàm lơgar Nhờk mờ Mỹ nàng lơh ngan bal tă bơsong ală kal ke đah 2 lơgar.

Đơs tàm ngai òr, ồng Abdullah Abdullah, kuang tơl^k măt te\ khà kuang atbồ lơgar Apganistan neh pơyoa bơr chờ gờm tus mờ ồng Ashraf Ghani, kuang atbồ lơgar pa geh pồ. Jơnau yal bơh ồng Abdullah Abdullah 1 dơ\ tai neh tơl^k broă lơh ngan kờ` tơmù bơta ờ niam tơnơ\ mờ jơnau ring bal tam pà at gơnoar, do là broă kờ` tơn jơh 3 nhai kal ke gùng dră bal tàm lơgar Apganistan tơnơ\ mờ te\ khà kuang atbồ lơgar tàm nhai 6 lài do. Di gơlan ồng Ashraf Ghani geh guh dờp at gơnoar tàm ngai 29/9 tus Gơnoar atbồ lơgar pa lơgar Apganistan geh dờp kơnòl ring niam broă lơh sa tàm tu\ bơta lơngăp lơngai mờ broă lơh sa lơgar do gam sơlơ ngai sơlơ ờ niam mờ broă dong kờl bơh dunia gơmù uă.

Gah mblàng yal jơnau lơgar Tây ngai òr, yal jơnau đơs bơh ồng Stephane Le Foll, Kuăng pơlam đơs gơnuar ătbồ lơgar Tây dê pà g^t, lơgar do neh mu\t lơh dơ\ đùh [ồm mờ rơndeh par dơ\ 2 tàm ală anih lơh broă bơh Mpồl Dà lơgar Islam-IS dê tàm lơgar Iraq. Jơnau yal bơr bơh Gơnuar ătbồ lơgar Tây dê geh yal tơn tơ nơ\ tu\ ồng Francois Hollande, Kuăng ătbồ lơgar Tây đơs tờm, Tây geh pơn jăt tai mu\t lơh broă đùh [ồm mờ rơndeh par tàm ală anih lơh broă bơh Mpồl Dà lơgar Islam-IS dê bu\ lah broă làng bol lơgar do dê là ồng Ecve Pie Guốc đen gơtìp gơ sơ\t.

Ngai òr, lơgar Đức neh jun phan dong kờl sơnrờp ngan tus châu Phi, do là 1 bơnah tàm broă lơh ngan bơh dunia dê kờ` dong kờl ală lơgar tam dră mờ kòp ebola gam gơl^k geh kal ke ngan. Rơndeh par bơh mpồl ling rơndeh par lơgar Đức pơn diang bal 4 tấn 500 rơbô k^ phan mờ phan lơh broă neh par tus càr lơgar Dakar, lơgar Senegal, do là anih tơrgùm phan dong kờl dunia bè broă sơndră mờ kòp ebola. Bal mờ phan dong kờl, ling lơgar Đức kung lơh 1 hìu lơh sơnơm ing, tàm hơ\ geh bal tiah reh, tàm càr lơgar Monrovia, lơgar Liberia.