VOV4.K’ho - Tàm ala\ ngai do, nùs nhơm wa\ rò sa tềp sơnam pa Đinh Dậu chờ hờp ngan  tàm làm [òn lơgar tàm Tây Nguyên. Nam 2016 neh jơh, bulah gam ua\ ngan kòl yan kal ke bơh prang, dà ko\ dà cò, pria\ bơh phan lơh geh gơguh gơmù nisơna ngan, mơya làng bol gam lơh ngan sơrlèt kal ke. Sơnam pa tus, làng bol wa\ rò sa tềp bơhìan dà lơgar chờ hờp, tềm pềr, pơnjat tai geh kơ\p kờ` ala\ broa\ lơh pa:

Nam 2016, tài trồ prang dờng soat dà jo\ jòng, den tàng bulah khà priă kơphe tac yòm mơya cồng nha lơh geh ờ uă, hìu nhă ồng K’Jổih ơm tàm [òn 7, xã Gia Hiệp, kơnhoàl Di Linh, càr Lâm Đồng mìng tơnhàu geh rlau 5 tấn kơphe, rlau 1 tấn tiêu. Bulah bè hơ\, wă rò sơnam pa, hìu nhă ồng kung blơi tơl phan bơna nàng wă rò sa tềp Đinh Dậu 2017. Ồng K’Jổih yal bè broă wă rò sa tềp hìu nhă dê bè do: “Hìu nhă a` pơs wàs hìu đam kloh niam, hơ\sồng klơm mbar, blơi ba` kèu nàng wă nac chờ hờp sa tềp. Bơh ngai 1 sa tềp, ală kòn bơh tiah ngài rê chờ hờp bal mờ hìu nhă, sa bal mbar klơm, lơh poac iar, ơda, hìu nhă lơi kung geh tơrnờm `ô chờ hờp tàm ngai sơnam pa dà lơgar dê, tơnơ\ hơ\ lòt nting sap sa tềp ală hìu nhă tàm [òn lơgar.”

Làng bol kòn cau K’ho tàm xã Đinh Lạc, kơnhoàl Di Linh, càr Lâm Đồng kung geh dùl sa tềp ram mhu\, chờ hờp. Ală [òn geh bơka, pơs wàs kloh niam, hìu đam geh lơh niam wơl. Ồng Đang Bi Brol, atbồ [òn Duệ, xã Đinh Lạc, kơnhoàl Di Linh pà git: “Nam 2016 neh rlau, nam 2017 neh tus. Nting sap làng bol sa tềp chờ hờp, tơl sa tơl `ô, hìu nhă hờm ram, gơboh gơbài chờ hờp, geh ờ gam tai ală cau ờ git sră, oh kòn bơsram sră tus gùng tus dà. Kơp kờ` Đảng mờ Dà lơgar sền gròi rlau tai tus ală hìu nhă r[ah, hìu nhă ndrờm bè cau r[ah nàng khi geh tai bơta bơtàu tơnguh lơh sa tàm nam pa mờ tơl nă cau chờ hờp bal tàm dơ\ sa tềp do. Nting sap làng bol tàm [òn lơh geh ală bơta kơp kờ` tàm nam pa do.”

Bulah rài kis gam ua\ ngan kal ke, mơya pah tu\ sa tềp tus, sơnam pa rê, làng bol tàm [òn Bhôk, xã Yang Tao, kơnhòal Lak, càr Daklak drờm rcang tơl ala\ bơta sir tơl kờ` bal mờ hìu nha\, [òn lơgar wa\ dùl sa tềp chờ hờp hờm ram. Ồng Y Kon Niê, Bí thư Đảng [òn Bhôk ai git:“Nam do, [òn lơgar geh bal mờ gơnoar atbồ [òn lơgar, xã kờ` bơyai lơh làng bol in chờ hờp sa tềp nam pa.Mờ tàm hìu nha\ a` kung neh rcang tơl ala\ bơta. Nting sap tơl na\ cau wa\ nam pa chờ hờp”.

Ală nam lài do, mò Y Khé, ơm tàm [òn Long Yon, xã Đak Ang, kơnhoàl Ngọc Hồi, càr Kontum geh rài kis kal ke ngan. Tơnơ\ mờ tu\ bau, ờ geh hìu ơm, pal ơm ing tàm hìu kù tàm mìr. Nam 2010, kơnờm anih priă jền Chính sách ai càn 8 tơlak priă, mò neh rề ơnàng tai bă ù lơh sa, blơi ală bơta sơntìl chi tam. Tài git kờp du\ lơh sa mờ ngui dơ\ git tềm pềr, tus tu\ do, hìu nhă mò neh tam 400 tờm kau su, 500 tờm kơphe, ròng 5 nơm kơnrồ mờ git nđờ jơt nơm iar. Pah nam, hìu nhă mò lơh geh mờr 100 tơlak priă. Mò Y Khé chờ hờp đơs bè broă wă rò sa tềp hìu nhă dê: “Wă rò nam pa hìu nhă a` lơh poac iar ròng is tàm suơn. Nam pa, làng bol, jơi nòi, nac ning tus còp den kup iar lơh poac. Hìu nhă a` ờ huan blơi poac, ka tàm drà tài tu\ do hìu nhă ndrờm neh ròng tàm hìu lơm. Chờ hờp sa tềp den ờ gơtùi ờ geh drap tơrnờm, blơi ba` kèu, ai kòn sau in lòt nhơl `o\ tàm ală ngai chờ sơnam pa.”

Chờ sa tềp nam do, ồng Rcom Pleh cau lơh broa\ tàm Hội nông dân [òn dờng Pleiku, càr Gialai ờ hiu\ kơp kờ` lơh geh ala\ broa\ lơh tus broa\ lơh he dê: “Tàm nam 2017, a` geh lơh ngan mblàng pơlam tus ala\ cau tàm hội lơh broa\ sa tàm ala\ xã, sơnah [òn tàm [òn dờng mut lơh ala\ gùng dà broa\ lơh bơh Đảng, broa\ lơh adat boh lam bơh dà lơgar. Bal mờ hơ\, a` geh lam sồr làng bol tus bal broa\ lơh bơt bơtàu [òn lơgar pa, ngan la ala\ xã ờ hềt lơh geh ala\ broa\ lơh gùng lòt  [òn lơgar,  lơh ala\ bơtơt rbòng dà di pal tơl dà tuh kơphe in, tiêu in, lơh hìu chài rgơi [òn. A` geh mblàng pơlam làng bol in, ngan la tàm làng bol kòn cau sền gàr bơhìan niam bơne\ bơh kòn cau he dê, sền gàr ngap lơgai [òn lơgar, ờ do ờ da\ gùng lòt tàm [òn”.

Mờ 3 sàu kòi sre, 5 sàu kơphe, mut tus nam 2017, ồng Y Ner Liêng ơm tàm xã Yang Tao, kơnhoàl Lak, càr Daklak kung kờp du\ geh mut lơh di jơnau pơlam sơngka sền gàr kơphe, rề ơnàng tai broă ròng phan nàng tơnguh priă lơh geh. Ồng Y Ner Liêng pà git: “Tàm nam 2016, sền bal rài kis hìu nhă bol a` dê kung di đau. Rơndap broă tàm nam 2017, a` geh lơh ngan bơcri priă sền gròi bơtàu tơnguh bơh 5 nơm kơn rồ hìu nhă a` dê mờ tam pà broă sơngka sền gàr, koh ntê tờm kơphe nàng bơtàu tơnguh lơh sa hìu nhă, gàr tơl niam rài kis. Mut tus nam 2017, hìu nhă a` geh lơh ngan bơcri ròng tai be mờ sur. A` kơp kờ` dà lơgar dong kờl dùl êt nàng hìu nhă a` đơs is mờ làng bol đơs bal bơtàu tơnguh lơh sa.”

                            Cau cih mờ yal tơnggit K’ Brọp mờ K’ Duẩn.