VOV4.K’ho - Di dơ\ tus còp mùl màl lơgar Mỹ bơh ồng Nguyễn Phú Trọng, kuang atbồ đơng lam Đảng dà lơgar, lơgar Việt Nam mờ lơgar Mỹ tơl^k jơnau yal bal mờ jơnau kơlôi sơnơng bal.

Dờp jơnau jà bơh gơnoar atbồ ồng Barack Obama, kuang atbồ lơgar Mỹ, ồng Nguyễn Phú Trọng, kuang atbồ đơng lam Đảng dà lơgar gam geh dơ\ tus còp lơgar Mỹ jăt jơnau jà bơh ồng Barack Obama, kuang atbồ lơgar Mỹ dê. Do là dơ\ tus còp sơnrờp ngan bơh 1 kuang atbồ đơng lam Đảng Cộng sản Việt Nam dê. Tàm dơ\ tus còp, neh geh dơ\ cri bơyai bal bơh ồng Nguyễn Phú Trọng mờ ồng Barack Obama tàm hìu lơh broă kuang atbồ lơgar Mỹ ngai 07/7/2015, lơgar Việt Nam mờ lơgar Mỹ neh ring bal jơnau yal bal mờ jơnau kơlôi sơnơng bal.

Ồng Nguyễn Phú Trọng, kuang atbồ đơng lam Đảng dà lơgar mờ ồng Barack Obama, kuang atbồ lơgar Mỹ hơ jơnau lùp bơh ală cau lơh [ăo

               Lơgar Việt Nam mờ lơgar Mỹ dờp ală bơtàu tơnguh niam mờ ngan ngồn tàm uă gah tam klăc bal tàm 20 nam do kờp bơh tu\ crơng gơs git gơp lơh broă bal, ngan là bơta bơtàu tơnguh tàm tam klac lơh sa mờ kă bro, tam klac bal tàm broă bơsong ală jơnau gơlời wơl bơh rài tam lơh kung bè tàm khoa học mờ công nghệ, bơto bơsram, lơh sơnơm, tiah ơm kis, tam dră mờ tam gơl trồ tiah, sền gàr dà lơgar, sền gàr ngap lơngai, gơnoar kòn bơnus mờ sơlơ tam klac tàm kơnhòal mờ dunia tàm ală bơta mờ sền gròi bal.

Lơgar Việt Nam mờ lơgar Mỹ neh lơh geh uă cồng nha geh kuơ kờp bơh tu\ crơng gơs git gơp lơh broă bal tơl làm bơh lơgar Việt Nam mờ lơgar Mỹ nam 2013. Kuơ màng, kă bro mờ bơcri priă bơh 2 lơgar pơn jat tai gơguh mhar ngan; Jơnau pơrgon “123” bè tam klăc ngui Năng lượng hạt nhân tài jơnau kờ` ngăp lơngai neh geh mut ngui ngan ngồn; lơgar Việt Nam neh ring bal Jơnau bơceh pa sền gàr ngăp lơngai tam dră ngui phàu crong gơ sơt rung; lơgar Mỹ neh tă sang dùl bơnah kơrnuat ờ ai tăc phàu crong lơh gơbàn chơt jê; Jơnau yal bơr wèt sền bal bè Git gơp lơh broă bal sền gàr dà lơgar geh ki\; tam klăc tàm ală bơta tàm kơnhòal mờ uă lơgar geh tơnguh rơlau tai. Ală anih lơh broă bơh Đảng Cộng sản Việt Nam mờ ală anih kơlôi sơnơng bơh Đảng Cộng hòa mờ Đảng làng bol lơh tờm lơgar Mỹ dê kung neh sơnrờp mu\t lơh ală broă lơh cri bơyai bal, bè neh ai tơlik tàm git gơp lơh broă bal tơl làm nam 2013.

Lơh geh ală cồng nha tàm git gơp Việt Nam mờ Mỹ là kơnờm 2 gah neh geh bal ală broă lơh ngan cèng bơta bơt bơtàu kờ` sơlèt gan tơngai lài do, bơsong bơta krơi is mờ chul chồl ală bơta kuơ wèt tus rơnàng tơnơ\ do.

Kơlôi sơnơng bè broă lơh bal bơh lơgar Việt Nam mờ lơgar Mỹ: Lơh niam broă lơh bal kuơ màng jo\ jòng.

Wèt tus rài tơnơ\ do broă lơh bal 2 lơgar mờ tơnguh broă lơh bal kuơ màng tơl ală bơta, 2 lơgar tơl^k pơn jăt tai lơh jăt broă lơh bal niam, kơl jăp mờ mùl màl, tàm tơngu me g^t jơnau bal mờ sơnoa boh lam anih duh broă dunia, adăt boh lam dunia mờ kơrnoăt gùng dră bal, krơi is, geh gơnoar mờ gàr niam ù tiah dà lơgar bal. Bàr gah hơ geh chồl pràn uă ngan bơta kuơ bal mờ broă lơh bal tàm bơta lơh broă bal 2 lơgar mờ uă lơgar, tài bơta kuơ bơh làng bol 2 lơgar, pơgồp bal tàm bơta lơngăp lơngai, ring niam, lơh broă bal mờ pas gơs tàm châu Á – Thái Bình Dương mờ tàm dunia.

Ồng Nguyễn Phú Trọng, kuang atbồ đơng lam Đảng dà lơgar cri bơyai mờ ồng Barack Obama, kuang atbồ lơgar Mỹ

              Broă tơnguh broă lơh bal gùng dră bal mờ broă lơh bal mờ lơgar ndai, tơnguh cri bơyai dờng mờ pờ ơnàng broă pơlam bal kờ` pơn jăt tai bơ\t bơtàu nùs nhơm pin dờn mờ tơnguh broă lơh bal gam là broă lài ngan tus mờ lơgar Việt Nam bal mờ lơgar Mỹ, ndrờm bal bè broă tơnguh lơh sa, kă bro mờ bơcri priă, lơh niam broă lơh bal tàm khoa học mờ công nghệ, bơto bơtê mờ bơsram, lơh sơnơm, tiah kis mờ lơh jăt adăt boh lam. Bàr lơgar dờp cồng nha bơh mpồl bơtiàn cau lơgar Việt Nam kis tàm lơgar Mỹ mờ uă broă pơgồp bal bơh ală cau do dê tus mờ broă tơnguh bơtàu lơgar Việt Nam mờ lơgar Mỹ kung bè tus mờ broă lơh bal geh niam bơne\ rơlao bơh lơgar Việt Nam mờ lơgar Mỹ.

Lơgar Việt Nam mờ lơgar Mỹ kung đơs tai, pơn jăt tai broă lơh bal tàm gah sền gàr dà lơgar mờ lơngăp lơngai, bè neh geh yal tàm jơnau yal kơlôi sơnơng bal bè broă lơh bal gah sền gàr dà lơgar bơh lơgar Việt Nam mờ lơgar Mỹ. Bàr lơgar đơs tòm, jơnau hơ bal pơgồp bal tàm uă gah, tàm hơ\ geh broă bơsong ală jơnau pơhìn bè bơta lơngăp lơngai ờ di bè ờs, lơh broă bal tàm broă sền gàr bơta lơngăp lơngai gùng lòt dà lềng, g^t tàm gah gùng lòt dà lềng, lơh sa kă bro gah sền gàr dà lơgar mờ tam pà bal jơnau tơng^t, jòi mờ dong klàs cau gơtìp rềs àr, dong kờl tu\ gơtìp kal ke, tu\ gơtìp rềs àr mờ tam gơl bal broă sền gàr dà lơgar. Bàr lơgar pơn jờng ală broă lơh ngan bal kờ` bơsong ală hoàc huơr tàm rài tam lơh lài do lời wơl, tàm hơ\ geh kơnòl jòi cau gam ờ go\ [ồc tàm rài tam lơh, jòi rồ phan ờ hềt bơrtoh, rào, jùt sơnơm Dioxin mờ dong kờl rơlao tai tus mờ ală broă lơh ngan niam bơne\ do.

Broă lơgar Việt Nam mờ lơgar Mỹ kơ\p kờ` geh pơgồp bal nền nòn mờ ală gah tus bal cri bơyai ndai kờ` lơh gơs gờ` ngan di lah geh kơrnoăt hơ bal lơh sa kă bro khăt gơboh Thái Bình Dương (TPP) tơl ală bơta, uă jơnau kơ\p kờ` mờ geh lơh ală broă lơh niam wơl di lah go\ pal geh lơh kờ` di pal mờ khà niam tàm kơrnoăt hơ bal TPP dê, tàm hơ\ geh bal broă lơh tus mờ ală jơnau hơ bal gơrềng tus mờ jơnau yal bal mpồl lơh broă dunia (ILO) nam 1998 bè kơrnoăt tòm mờ gơnoar tàm anih lơh broă. Bàr lơgar lơh ngan lơh jăt 1 kơrnoăh hơ bal lơh sa kă bro khăt gơboh TPP geh khà niam uă, ndrờm bal, di pal mờ bơta kuơ bơh ală gah mờ ai tơl^k broă lơh pa, jo\ jòng mờ geh kuơ bal tus mờ broă lơh sa mờ kă bro bơh lơgar Việt Nam mờ lơgar Mỹ, mờ ai tơl^k bơta pràn pa tus mờ broă lơh broă bal châu Á dê mờ pơgồp bal tàm broă lơh broă bal mờ pas gơs tàm châu Á – Thái Bình Dương. Lơgar Mỹ pơn jờng broă gơnguh jăk lơgar Việt Nam tàm broă bơ\t bơtàu lơh sa mờ đơs tai, pơn jăt tai kờ` bal mờ tơnguh broă lơh balgeh nùs nhơm bơ\t bơtàu mờ lơgar Việt Nam, mờ lơgar Mỹ dờp broă sền gròi bơh lơgar Việt Nam geh kơrnoăt lơh sa kă bro.

Bàr lơgar hơ neh pơn jăt tai kờ` bal broă chồl pràn mờ sền gàr gơnoar kòn bơnus mờ kờ` bal broă tơnguh cri bơyai bal, song dơ pă mờ bơ\t bơtàu bè gơnoar kòn bơnus kờ` tơnguh jơnau g^t wă bal mờ tơmù nùs nhơm ờ g^t wă. Bàr lơgar lam sồr geh broă lơh bal rơlao tai kờ` tơl niam là ală cau, tàm hơ\ geh bal ală cau tàm ală mpồl [uơn gơtìp aniai, ờ tam cah is cau klao mờ cau ùr, ờ tam cah is jơi bơtiàn kòn cau, ờ tam cah is gah jăt yàng ha là broă kờ` tam gơl cau klao cau ùr, mờ geh bal cau koe\t kơl te, geh dờp tơl ală gơnoar kòn bơnus. Lơgar Mỹ pơn jờng ală broă lơh ngan tu\ do lơgar Việt Nam dê di pal broă ngui adăt boh lam mờ sơnoa boh lam nam 2013 mờ ală jơnau hơ dunia mờ lơgar Việt Nam lơh jăt kờ` tơnguh bơtàu tơl ală bơta dà lơgar dê, tàm hơ\ geh bal tàm broă chồl pràn mờ sền gàr gơnoar kòn bơnus mờ ală gơnoar khăt gơboh tòm ndai. Lơgar Mỹ pơn jờng lơgar Việt Nam k^ kơrnoăt hơ bal bè sơndră mờ pù pờng bal mờ ală broă lơh ờ niam ha là lơh glài iơh bơsăk ir, ờ geh nùs nhơm kòn bơnus ha là lơh [às sìl kòn bơnus mờ kơrnoăt hơ bal bè gơnoar cau koe\t kơl te, mờ 2 lơgar kơ\p kờ` chồl pràn broă lơh jăk chài bal tàm gah do.

Lơgar Việt Nam mờ lơgar Mỹ kơ\p kờ` chồl pràn broă lơh bal gah bơto bơtê mờ bơsram, tàm hơ\ geh bal broă lơh bal ring bal bơh ală mpồl lơh broă bè hìu bơsram dờng Fulbrigth Việt Nam mờ ală broă lơh bal bơto bơtê mờ bơsram tàm hìu bơsram dờng ndai kung bè tàm ală gah lơh broă bal bơto dà đơs lơgar Mỹ. Broă tơnguh tìp bal làng bol geh pơn jăt tai kuơ màng ngan. Bàr lơgar kơ\p kờ` sền wơl ală broă lơh [uơn bè broă lơh sră nggal kờ` lam sồr tơnguh khà nă nhơl chờ, kơnòm bơsram mờ ală cau lơh sa kă bro tus mờ 2 lơgar, mờ hòi jà ală anih lơh broă gơrềng bal lơgar Việt Nam mờ lơgar Mỹ gờ` lơh gơs 1 jơnau ring bal bè broă lơh hìu lơh broă pa bơh ală anih lơh broă ala măt, tàm hơ\ geh bal anih ala măt bơh 2 lơgar dê.

Tơnguh broă lơh bal tàm tiah do mờ gùt dunia:

Lơgar Mỹ jờngrơ broă lơh mu\t gơrờm bal dunia jơh nùs ngan bơh lơgar Việt Nam dê, mờ Việt Nam jờng rơ broă lơh bơh lơgar Mỹ dê sơlơ tam klăc mờ tiah châu Á – Thái Bình Dương. Bàr lơgar jờngrơ tă pơgồp bal tus mờ broă kờ` dong kờl ngap lơngai, kơ\ kơl jap mờ pas sơm tàm tiah do mờ tàm dunia. Lơgar Việt Nam mờ lơgar Mỹ kung hơ pơrgon sơlơ tam klăc tàm ală bơta tàm tiah do mờ gùt dunia mờ 2 lơgar geh kuơ bal mờ sền gròi bal.

Ồng Nguyễn Phú Trọng, kuang atbồ đơng lam Đảng dà lơgar wă ồng Michael Forman ala măt gah kă bro lơgar Mỹ

              Bàr lơgar hơ pơrgon chul chồl tam klăc bè bơtàu tơnguh kơ\ kơl jap, bơsong ală bơta pơhìn sền gàr ngăp lơngai ờs mờng mờ ờ ờs mờng, kờp bal mờ trồ tiah lơh aniai, kă bro phan brê, gàr tơl khà dà mờ kòp bơtờp. Bàr lơgar hơ pơrgon rề ơnàng pơgồp bal tàm ală broă lơh sền gàr ngap lơngai mờ tam gơl trồ tiah, ràng tơlik bơta sền gròi tus Pơrjum dờng bè sền gàr ngăp lơngai hạt nhân nam 2016 mờ kơ\p kờ` ală lơgar geh broă lơh ngan  kờ` chul chồl sền gàr ngăp lơngai hạt nhân. Bàr lơgar hơ pơrgon rề ơnàng tam klac bè broă lơh Cribơyai sền gàr ngap lơngai lơh sơnơm gùt plai ù (GHSA), kờp bal mờ wèt tus gờ` lơh geh ală jơnau kờn bơh GHSA dê.

Lơgar Việt Nam mờ lơgar Mỹ hơ pơrgon sơlơ tam klac tàm ală dơ\ cri bơyai tàm tiah do, bè Cri bơyai tam klăc lơh sa châu Á – Thái Bình Dương, Cri bơyai mpồl ală lơgar tiah đah jum măt tơngai lik châu Á (ASEAN), Jơnau bơceh pa tiah đah jum Mekong mờ Cri bơyai dờng màng tiah đah mat tơngai lik châu Á mờ dờp bơta kuơ màng bơh dùl ASEAN tam klăc mờ pràn kơl dăng, kơ\ kơl jap, gơnoar dờng màng bơh ASEAN dê tàm rơndap tap sèng gùng dră bal - sền gàr ngăp lơngai taih do, mờ Git gơp lơh broă bal kuơ màng bơh lơgar Mỹ mờ ASEAN.

Bàr lơgar ràng tơlik bơta ờ suk bè ală gơlik geh pa do tàm dà lềng đah mat tơngai lik neh lơh gơguh uă kal ke, lơh gơmù bơta pin dờn mờ pơhìn lơh aniai tus ngăp lơngai mờ kơ\ kơl jap. Bàr lơgar đơs tờm bơta kuơ màng tơnguh ală gơnoar khat gơboh gùng dà lềng mờ gùng rơndeh par geh dunia dờp; kă bro di mờ adat boh lam ờ gơtìp kơrian, sền gàr ngăp lơngai mờ ờ do ờ dă gùng dà lềng; kơrhia ală broă lơh gơguh uă kal ke; gàr niam jơh ală broă lơh mờ broă mut lơh pal di mờ adat boh lam dunia; dră wơl broă rồn bơklơn, pơhìn, ngui ha là pơhìn ngui phàu crong tam lơh. Bàr lơgar kờ` bơsong ngap lơngai ală tam pìt tam phà jat adat boh lam dunia, kờp bal bè neh ai tơlik tàm Jơnau pơrgon bơh Anih duh broă dunia dê bè Adat dà lềng ngai 10/12/1982 (UNCLOS), mờ dờp bơta kuơ màng bơh broă mut lơh tơl làm jơh Jơnau yal bơr bè broă lơh bơh ală gah dê tàm dà lềng đah mat tơngai lik, mờ kung kờ` ală broă lơh ngan kờ` lơh geh Kơrnuăt lơh broă bơh ală gah dê tàm dà lềng đah mat tơngai lik.

Ală kơrnoăt hơ bal mờ ring bal neh geh tàm dơ\ tus còp:

Ală jơnau pơrgon mờ jơnau ringbal tơnơ\ do geh tă pơgồp tàm broă bơtàu tơnguh git gơp 2 lơgar Việt Nam mờ lơgar Mỹ mờ lơh geh bơnàng jă kơ\ kơl jap tus mờ bơta tam klăc bal tàm rơnàng tơnơ\ do mờ 2 lơgar geh pơnjat tai bơt bơtàu, tàm hơ\ geh:

-Jơnau pơrgon đah Gơnoar atbồ lơgar Việt Nam mờ Gơnoar atbồ lơgar Mỹ bè pleh tă dia 2 dơ\ mờ kơryan pồn kơnă tă dia tus mờ ală bơta priă dia kờp tàm priă lơh geh mờ kơrnoăt cih mờ Jơnau pơrgon dê;

-Sră cih kah đah Gah sền gàr dà lơgar Việt Nam mờ Gah sền gàr dà lơgar Mỹ bè tam klac tam gah sền gàr ngap lơngai Anih duh broă dunia;

-Sră cih kah đah Gah lơh broă sa mờ bơtàu tơnguh [òn lơgar dà lơgar Việt Nam mờ Anih lơh broă bơtàu tơnguh dunia lơgar Mỹ bè Broă lơh ală bơta pơhìn kòp bơtờp dờng pa gơlik geh mờ Broă lơh sền gàr ngap lơngai lơh sơnơm gùt plai ù;

-Jơnau ringbal dong kờl đah Anih lơh broă bơtàu tơnguh mờ Kă bro lơgar Mỹ mờ Đah lơh broă gùng rơndeh par drơng rài kis laàn bol lơgar Việt Nam;

-Lơgar Việt Nam lơh sră ai gơnoar crơng gơs hìu bơsram dờng Fulbright Việt Nam pa.

Cau mblàng Ndong Brawl mờ K’ Duẩn