VOV4.K’ho- Tàm Hà Nội, Mpồl tam klac ơruh pơnu dà lơgar Việt Nam pơgồp bal mờ Bộ Giáo dục mờ Đào tạo, Ủy ban Dân tộc bơyai lơh broă lơh “Tam pà bal mờ cau pơgru”  nam 2020, jờng rơ ală cau pơgru là cau kòn cau geh ua\ cồng nha tàm broă lơh bơ to bơtê. Ủy viên Bộ Chính trị, Bí thư Đảng dà lơgar, Kuang atbồ Ban Tuyên giáo dà lơgar, ồng Võ Văn Thưởng neh tus bal broă lơh.

Broă lơh do nàng kờ` jờng rơ ală cau pơgru kòn cau gam bơ to bơtê tơn kơ nòm bơsram tàm tiah sar lơgar ngài, tiah nhàr dà lơgar, tiah geh broă lơh sa mpồl bơtìan kal ke geh cồng nha tàm broă lơh, geh mè bèp kò nòm bơsram mờ làng bol cih dờp. Tàm broă lơh do geh 63 nă cau pơgru gơ wèt 26 jơi bơtìan kòn cau neh geh jờng rơ. Tàm hơ\ geh 6 nă cau pơgru gơ wèt mpồl jơi bơtìan kòn cau dùl êt ngan cau geh Bố Y, Lô Lô, La Ha, Sách (gam hòi là kòn cau Chứt) tus bơh ală càr Lào Cai, Hà Giang, Sơn La, Quảng Bình; 57 nă cau pơgru gam wơl tus bơh 22 jơi bơtìan kòn cau.

Cau mblàng K’Duẩn