VOV4.K’ho-  Mang ngai 19/11, tàm Hà Nội, Đoàn Ơruh pơnu Cộng sản Hồ Chí Minh dà lơgar bơyai lơh dơ\ jờng rơ “Cau pơgru kơnòm să pơn rơ jak” kấp dà lơgar dơ\ 2 nam 2020. Tus bal geh ồng Trương Hòa Bình Ủy viên Bộ Chính trị, Phó Thủ tướng thường trực Chính phủ bal mờ Kuang đơng lam bồ ală gah, sơnah lơh broă.

                                      Phó Thủ tướng ồng Trương Hòa Bình đơs tàm dơ\ jờng rơ

Tàm broă lơh, Đoàn Ơruh pơnu Cộng sản Hồ Chí Minh dà lơgar jờng rơ 99 nă cau pơgru kơnòm să pơn rơ jak tàm ală càr, [òn dờng tàm gùt lơgar. Ală cau pơgru bơdìh mờ cồng nha jak ngan bè broă lơh ờs mờng, geh nùs nhơm mờ tă pơgồp dà kơl hề tàm broă lơh bơto bơtê, tơl nă cau pơgru ndrờm geh ală jơnau bơceh lơh pơn rơ ngan tàm tu\ bơto bơtê, kơlôi sơnơng khoa học kung bè ngui broă lơh pa cèng wơl cồng nha niam ngan ai kơnòm bơsram, cau bơsram dờng in tàm tu\ bơsram tàm hìu bơsram.

Tàm dơ\ jờng rơ, Phó Thủ tướng sồr, Đoàn Ơruh pơnu Cộng sản Hồ Chí Minh dà lơgar pơgồp bal niam ngan mờ ală Bộ, gah sơnah lơh broă geh gơrềng nàng di tu\ geh ală bơta cribơyai bal mờ Đảng, Dà lơgar bè broă lơh, broă lơh dong kờl gơ wèt mờ cau pơgru in.

Cau mblàng K’ Hạnh