VOV4.K’ho – Drim do, 10/9, tàm Hà Nội, geh lơh pơrjum tàm pơrlòng gùt lơgar jờng rơ krơh cau niam, broă niam tàm làng bol jat yàng Bàp dơ\ 5, tơngai bơh nam 2015 tus nam 2020. 245 nă cau ala mat là linh mục, tu sĩ mờ cau jat yàng Bàp geh pơn rơ tàm srơh tàm pơrlòng kờ` gơboh dà lơgar bơh làng bol jat yàng Bàp Việt Nam tus bal pơrjum. Do là ală krơh niam, geh pơn rơ, ai tơnggo\ niam ngan ai bơta phi să drơng broă, lòt bal mờ jơi bơtìan. Kis àng sơdah jơnau yàng tàm nùs nhơm jơi bơtìan nàng drơng bơta ring lơngai bơh làng bol dê in.

Sền wơl 5 nam do, làng bol jat yàng Bàp neh jơh nùs lơh jat gùng dà bơh Đảng, broă lơh mờ adat boh lam bơh dà lơgar dê, tơnguh bơhìan kờ` gơboh dà lơgar, đềt mềr, lòt bal mờ jơi bơtìan, kis niam lơh àng sơdah jơnau yàng. Kươmàng, at tê bal rơcang sơndră kòp dờng Covid019 tàm tơngai lài, gah jat yàng Bàp mờ làng bol jat yàng Bàp tàm gùt lơgar neh tus bal jơh nùs ngan, ai tơnggo\ ua\ broă lơh niam, tàm kờ` gơboh kòn bơnus, pơgồp bơnah bal mờ gùt Đảng, gùt làng bol mờ gùt ling klàng mhar kơryan kòp bơ tờp.

Cau mblàng K’Duẩn