Tu\ anih lơh broă geh ntrờn rê hờ hìu sồ 83, gùng Lý Thường Kiệt, [òn dờng Buôn Ma Thuột, dờp jơnau jà, ồng pơnjat tai ơm wơl tus gùl nhai, bơceh ală jơnau đơs pơnđik jat jơnau đơs pơnđik bơhìan yau kòn cau Rơđê, Jarai, Bơnhàr dê, nàng lơh li la rlau tai anih prap ơn jơnau đơs pơnđik Tây Nguyên dê.

Tơnơ\ do, geh 2, 3 dơ\ ồng tus Buôn Ma Thuột, se\ còp anih lơh broă jơnau đơs Việt Nam tàm Tây Nguyên, tu\ hơ\, ồng là cau lơh broă bal rềp mềr ngan bơh anih lơh broă dê. Ală tu\ lòt lơh broă tus Gia Lai, Kon Tum, bol a` kung lời dùl êt tu\ jiơ nàng se\ còp hìu ồng. Bơdìh mờ cau chài R’Com Yơn, kuang đơng lam bồ anih lơh broă sùm jơnau đơs Việt Nam tàm Tây Nguyên tu\ hơ\ sền gròi ngan tus boă bơt bơtàu ală bơta git gơp lơh bơyô mờ ală cau chài, cau geh bồ tơngoh bơsram sră là cau kòn cau, bè ồng Siu Pơi, kòn cau Jarai, ồng Y Săn, kòn cau Rơđê. Khi gơs là ală cau jak chài bè dà đơs, chài rơgơi kòn cau, là dùl bơta kơldìng bè mờng chài lơh broă ai oh mi lơh gơs jơnau đơs dà kòn cau.

Tu\ pa crơng gơs, anih mìng geh mờr 20 nă cau, mơya geh tus 4 jơi bơtiàn kòn cau oh mi. Uă oh mi là cau kòn cau bơh ală kơnhòal ngài bơh càr Gia Lai, Kon Tum geh sac rơwah, rê lơh broă, ơm bal tàm anih lơh broă. Anih lơh broă tu\ hơ\ là hìu ơm bal khà 4, ơpah bơh brê dà lơgar Yok Đôn, gùl lời lơh broă, gùl den lơh anih ơm kis. Bơh kuang atbồ tus cau lơh broă ndrờm sàu sa bal tàm dùl hìu [ềp, ơm bal dùl bă hìu. Jo\ jo\, den tàm mho ngai dơ\ 7, kuang atbồ anih lơh broă, ồng Lê Đình Đạo jà oh mi lòt sa,  geh tu\ là nem Ninh Hòa, geh tu\ là lẩu be tàm gùng Hai Bà Trưng, lẩu kơn rồ tàm gùng Quang Trung, chờ hờp mờ rềp mềr ngan.

Kah bè dùl tơngai Tây Nguyên, den kah bè rài kis ơm bal niam mờ ram mhu\, chờ hờp ngan mờ cau atbồ anih lơh broă lơh ngan bơt bơtàu mờ bơta lam lài bơh să tờm dê. Anih lơh broă sàu sa, ơm kis bal, uă ngan oh mu kòn cau bơh [òn ngài tus, mơya kis niam ngan.

Ngai dơ\ 7, kuang atbồ anih lơh broă bal mờ oh mi pơs wàs bơh hìu lơh broă tus tềng gah gùng lòt. Tu\ hơ\, sa bal, piang sàu ngai 3 dơ\, kuang atbồ anih lơh broă sùm ngai, mho 3 coàn piang, bulah phan sa geh tu\ bơkah, geh tu\ ờ bơkah.

Mờr 3 nam lơh kuang atbồ anih lơh broă sùm jơnau đơs Việt Nam tàm Tây Nguyên, mờ bơngă là cau tă pơgồp dà kơl hề bơt bơtàu gơs, ồng Lê Đình Đạo neh lời jơnau kah kir tàm uă broă lơh. Tơngai ồng lơh kuang atbồ, 3 jơnau đơs dà kòn cau geh pờ tơlik là Rơđê, Jarai mờ Bơnhàr. Mpồl kuang bàng, cau ai tơngit jơnau đơs, cau mblàng jơnau đơs tờm ngan bơh anih lơh broă tu\ hơ\ dê geh sac rơ iwah bơh tơngai sơn irờp pa crơng gơs anih lơh broă.

Hìu lơh broă anih lơh broă dê bơh ơpah brê dà lơgar Yok Đôn, neh geh dùl anih lơh broă niam ngan, tềng tiah tàm gùl [ò dờng Buôn Ma Thuột, gơ iơm jat gùng Lý Thường Kiệt mờ Phan Bội Châu. Pơnjat hơ\, mờ ală bơta git gơp lơh broă rềp mềr, ồng Lê Đình Đạo neh dan geh mờ kuang đơng lam bồ hìu bơsram dờng Tây Nguyên lời hìu sa bal ai Anih lơh broă jơnau đơs Việt Nam in nàng lơh hìu ơm bal. Hìu ơm bal jơnhua 2 cờn, drơng tơl jơnau kờ` bè anih ơm oh mi in, uă ngan là oh mi kòn cau, bè dùl broă lơh ràng tơlik bơta sền gròi bơh Anih lơh broă jơnau đơs Việt Nam dê tus mờ gah pờ tơlik jơnau đơs dà kòn cau.

            Cau ai tơngit jơnau đơs, cau blàng jơnau, cau đơs jơnau bơh Anih lơh broa\ jơnau đơs Việt Nam tàm Tây Nguyên tu\ tơngai ồng Lê Đình Đạo lơh kuang atbồ.

Tu\ do iat jơnau đơs bơh Gah yal jơnau tơngit – gùng dră bal VOV1 bơh bồ ngai tus gùl mang, bơyô iat rơdô go\ geh uă jơnau đơs [uơn iat, [uơn kah, ờ tam gơl. Pơn yơu tu\ 4 jiơ 45 phủ “ Niam să làng bol mờ gơp bơyô! Dùl ngai pa neh sơnđờm. Nting sap tus làng bol mờ gơp bơyô in geh uă bơta chờ hờp tàm rài kis, geh cồng nha tàm broă lơh mờ kah pờ iat ală jơnau đơs bơh Anih jơnau đơs Việt Nam dê…Halà jơnau đơs sơn irờp bơh jơnau đơs yal jơnau tơngit 6 jiơ drim pah ngai: Jà làng bol mờ gơp bơyô iat jơnau đơs yal jơnau tơngit àng drim bơh Anih jơnau đơs Việt Nam dê. Ngai do, dơ\...ngai…nhai…, hơ\ là ngai…nhai…nam, jat sră kờp nhai lơgar he dê, jơnau đơs ngai do geh ală tơngume tờm tơnơ\ do…Ală jơnau đơs bè hơ\ geh tềl kah kir bơh ồng Lê Đình Đạo. Ồng Đạo đơs, cau Việt Nam jat ngai Tây, mơya ờ hui\ ngai jat sră kờp nhai dà lơgar he dê. Jơnau đơs yal jơnau tơngit 6 jiơ drim pah ngai, đơs tus ngai nhai lơgar he dê là ràng tơlik bơta sền ngềr tus mờ cau iat rơdô.

Sền ngềr cau iat rơdô, sền dờng màng cau lơh broă, kis bal hiă, bơsong broă lơh jak chài mờ nùs nhơm loh làng ngan tàm Lê Đình Đạo, kuang atbồ Anih lơh broă sùm jơnau đơs Việt Nam tàm Tây Nguyên tơngai sơnrờp. Ơnà kis, bơta chài lơh broă neh hời rơhời gơs bơhìan ờs mờng anih lơh broă dê, geh sền gàr tus tu\ d. Mờ hơ\ kung là bơnàng jă nàng anih lơh broă sùm tàm Tây Nguyên sơrlèt gan kal ke, gơs là anih lơh [au\ geh bơngă pin dờn, dờp geh bơta pin dờn bơh ală kơnă gơnoar atbồ tàm [òn lơgar, bơta pin dờn kờ` gơboh bơh bơyô iat rơdô rềp ngài dê.

                                                                       Cau mblàng K’ Duẩn.