VOV4.K’ho - Kàl rơlô bơkang là dơ\ kờ` kơnòm dềt geh ơm rơlô, nhơl chờ. Tàm [òn drà, tàm tu\ kơnòm dềt geh nhơl chờ mờ uă broă lơh, đơs crih tamya, tàp pràn să jan, ală ơdu\ bơsram bơta chài rơgơi den gơwèt mờ uă kơnòm dềt kis tàm ală tiah kal ke, tiah sar lơgar ngài kàl rơlô bơkang là ală ngai kal ke tu\ ală kơnòm dềt pal dong kờl mè bèp lơh broă suơn sre, ròng oh, ê rơpu, kơnrồ… Bơta chờ dờng ngan di gơlan là tus mờ dà dờng, dà croh, do là ală tiah sùm gơbàn bơta ngòt rơngơ\t.

Àng drim gờ` pah ngai, oh Y Noen Lào, 9 sơnam, kis tàm [òn Tun, xã Ea Wer, kơnhoàl Buôn Đôn sào mhar jơh dùl bơngàn piang ngềt hơ\ sồng pờ 13 nơm kơnrồ mu\t tàm brê nàng lòt ê.

                       Oh Y Noen Lao dong kờl mè bèp ê kơnrồ tàm ală ngai rơlô bơkang

Oh Y Noen pà g^t, ngai rơlô bơkang lơi kung bè hơ\ sùm, oh bal mờ bi klao 10 sơnam pal dong kờl mè bèp lơh broă tàm hìu. Di lah bi lòt lơh broă den oh lòt ê kơnrồ mờ sơlơ\u wơl. Nhơl chờ tàm ală nhai rơlô bơkang là bơta mờ oh ờ hềt tu\ lơi kơlôi tus:

-Kàl rơlô bơkang nam do oh pal ê kơnrồ mè bèp in, dùl nă oh pal ê 13 nơm kơnrồ. Lòt ê bơh 7 jơ drim, rê tu\ 4 jơ mho, trồ ngai pal ơ\t sào, mho rê hơ\ sồng sào tơn.

Den gơwèt mờ oh Huỳnh Chí Thuận, 12 sơnam, kis tàm [òn Sân Bay, xã Bông Krang, kơnhoàl Lak ală ngai rơlô bơkang oh dê kung mìng gùt dar tàm hìu dong kờl mè bèp lơh broă tàm hìu, tơngai ru oh jòi bơta nhơl tàm ală broă nhơl game ha là sền ti vi.

-Ơm rơlô bơkang oh mìng ơm tàm hìu dong kờl mè bèp, dong kờl là jùt hìu, pơs hìu, tru\ piang, ròng oh. Tiah gah hìu oh ờ geh anih nhơl, ờ geh rơbàng nđòr, tơnao re dà. Tài ờ geh anih nhơl den tàng oh mìng ơm tàm hìu dong kờl mè bèp hơ\ sồng tàm tơngai ru oh sền ti vi mờ nhơl game. Oh kờ` tàm do geh anih nhơl, geh tơnao re dà.

Ờ tơl anih nhơl là bơta tòm lơh uă kơnòm dềt pal lir wir pah ngai tàm tiah hăt hal hìu nhă dê, sền ti vi, ngui măi vi tính uă ir. Den tàng, ơm rơlô bơkang pal là tơngai chờ, geh uă bơta kuơ den neh gơs ngai dil, ngai moăt tus mờ uă kơnòm dềt.

       Tàm ală gùng tàm càr Dak Lak ndrờm [uơn tìp broă kơnòm dềt lòt ê kơnrồ tàm kàl rơlô bơkang

Bơh bơta do ni sơna lơh ală kơnòm dềt tus tàm broă nhơl điện tử, sền ti vi, măi vi tính ha là dô mờ mè bèp lòt um tàm dà dờng, dà croh lơh gơbàn ală bơta ờ niam ndai. Ồng Trần Văn Sơn, kis tàm [òn Ea Mar, xã Krông Na, kơnhoàl Buôn Đôn pà g^t:

-Đơs ngan tàm do geh uă kơnòm dềt lòt um tàm dà dờng, dà croh uă, kơnòm dềt lòt ê rơpu, kơnrồ den bol khi um uă ngan. A` den kung bè ală cau mè bèp ndai, mìng kờ` xã geh rơndăp broă lơh ai kơnòm dềt in g^t bè re dà, kờ` tơnơ\ do ală kơnòm dềt tu\ lòt um, lòt re dà tàm tơnao dà den g^t rơcang is. Mùl màl tàm [òn do ờ geh cau lơi bơto re dà kơnòm dềt in, mờ ală kơnòm dềt dô mờ mè bèp lòt um, lòt re dà is, ờ g^t re dà den gơbàn bu\ là moăt ngan.

Broă ờ geh anih nhơl ai kơnòm dềt in tàm kàl rơlô bơkang ờ mìng tàm kơnhoàl Buôn Đôn, Lak mờ do kung là bơta geh bal bơh uă tiah tàm càr Dak Lak dê.

               Tơnơ\ tơngai dong kờl mè bèp lơh broă, kơnòm dềt tàm jà bal lòt tus tàm dà croh, dà dờng um

Bu\ lah tàm dơ\ ơm rơlô bơkang, gơnoar atbồ ală tiah neh rơcang lơh ală broă lơh kờ` tơrgùm ală kơnòm pa tào, kơnòm dềt pơrjum bal, mơya dùl đah tài ờ geh anih kờ` lơh [làng nhơl ai kơnòm dềt in, dùl đah ală kơnòm dềt pal dong kờl mè bèp lơh broă hìu nhă tai den tàng khà ală kơnòm dềt tus pơrjum bal kung ờ uă. Bi Nguyễn Quang Trung, Phó Bí thư huyện đoàn Buôn Đôn đơs:

-Buôn Đôn là dùl tàm ală kơnhoàl kal ke ngan càr Dak Lak dê, broă ai geh [làng nhơl ală kơnòm dềt in tàm do gam ală kal ke ngan, tàm hơ\ uă ngan là tiah nhơl kơnòm dềt in. Bơta pràn lơh ală broă do kung uă, den tàng Ban thường vụ huyện đoàn ờ hềt lơh geh tơl.

Dơ\ 2 là gơwèt mờ ală kơnòm dềt, geh uă hìu kal ke, tu\ rê pal dong kờl mè bèp, mè bèp bè hơ\ den broă tơrgùm nhơl kàlr ơlô bơkang, tàm hơ\ broă lam sồr ai ală kơnòm dềt in bè broă sơndră mờ rềs àr bu\ dà ha là kờ` g^t wă tàm rài kis gam kal ke.

Jăt Sở Lao động Thương binh mờ xã hội càr Dak Lak yal, bơh bồ nam tus tu\ do, gùt càr neh gơbàn 19 nă kơnòm dềt gơbàn bu\ dà, geh 118 nă kơnòm dềt lơh broă gờ`, lơh broă ờ di mờ adăt boh lam. Broă kơnòm dềt gơtìp rềs àr bè lơhò, gơpừ, rềs àr pal piam tàm hìu sơnơm tàm ală ngai rơlô bơkang ngai lơi kung geh.

                             Bơta chờ bơh kòn dềt tiah ngài càr Dak Lak tàm ală ngai rơlô bơkang

Mò Lại Thị Loan, Phó kuang atbồ Sở Lao động Thương binh mờ xã hội càr Dak Lak pà g^t, bu\ lah tàm ală nam do, ală cấp gơnoar atbồ neh ai uă broă lơh ngan, mơya kung gam ờ hềt di mờ broă kờ` ală kơnòm dềt dê.

-{làng nhơl ai kơnòm dềt in tu\ do kung neh là dùl broă geh ală cấp, gơnoar atbồ, cấp uỷ đảng sền gròi jòi ală broă kờ` bơsong, tài he g^t là tu\ do kung neh bơcri priă lơh uă ngan broă, geh bal broă tă priă bơh dà lơgar bal mờ ală anih lơh broă tàm ală cấp ală gah broă lơh geh gơnoar, ală mpồl lơh broă kung neh hòi jà ală anih lơh sa kă bro, ală cau geh nùs nhơm niam bơcri priă lơh ală anih nhơl pơrài bồ tơngoh kơnòm dềt in.

Mơya mùl màl kung ờ hềt di pal jơh mờ broă kờ` bơh ală kơnòm dềt dê, den tàng lơh gơbàn kơnòm dềt ờ hềt geh anih nhơl pơrài bồ tơngoh, ờ geh anih nhơl den tàng lơh gơbàn tus mờ broă lòt um, lòt re tàm tơnao dà, croh dà, dà dờng mờ gơbàn rềs àr bu\ dà.

Broă bơyai lơh nhơl chờ kàl rơlô bơkang tàm càr Dak Lak là broă lơh geh kuơ màng ngan, ờ mìng pơgồp bal tàm broă lơh geh [làng nhơl niam ai ală kơnòm dềt in mờ gam dong kờl hìu nhă bal mờ ală tiah atbồ ală kơnòm dềt tàm ală nhai ơm rơlô bơkang.

Kờ` lơh jăk niam bơta do pal geh broă sền gròi bơh gơnoar atbồ ală tiah bal mờ gah, mpồl lơh broă geh gơnoar tàm broă ai geh bă ù, lơh ală anih nhơl bal kơnòm dềt in.

Cau mblàng Ndong Brawl