VOV4.K’ho – Geh bơta sền gròi dong kờl bal bơh ală kơnă, ală mpồl cau dê, kơnòm dềt r[ah, kơnòm dềt geh rài kis uă kal ke tàm càr Dak Lak gam wa\ rò sa Tềp Trung thu chờ hờp mờ hờm ram mờ ram mhu\ ngan..

Bàr pe ngai do, Hìu bơsram kai I Nguyễn Huệ, ntum Ea Bar, kơnhoàl Buôn Đôn, càr Dak Lak gơlơh hô hơng duh hồl ngan. Ngui jiơ lik nhơl, ală pơgru atbồ ơdu\ bơsram bơto pơlam kơnòm bơsram tàp đơs crih tam ya, rcang tus bal dơ\ lơh “Mang chờ àng kơnhai ndar me” geh lơh tàm anih tờm kơnhòal dê. Oh Võ Nhật Hoàng Thi bơsram ơdu\ 5A, pà gi\t: “Bàr pe ngai do kòn bơsram lơh pơrya lo\ Hằng mơya mìng geh dùl e\t ngan tu\ jiơ nàng bơsram tàp. Geh ală anih kal ke den pơgru neh bơto pơlam kòn in nàng lơh niam broă tàp mờ kòn gơlơh pin dờn ngan, digơlan là kòn geh dờp khà jờng”.

Ală ngai do, rài kis wă rò ngai Trung thu duh hồl nggồr nggàc làm bă tiah. Tàm Hìu chài rơgơi ơruh pơnu kơnòm pa tàu kơnòm dềt càr Dak Lak, dơ\ lơh “Mang chờ àng kơnhai ndar me”, geh rlau 700 nă kơnòm dềt kue\t kơltê mờ kơnòm dềt geh rài kis kal ke tus bal. Tàm do, ală oh geh tus bal nhơl jơnau nhơl bơh yau, sền lơh đơs crih tam ya mờ uă jơnau đơs crih tam ya bơh să tờm ală bơyô bơh he dê lơh. Rlau 50 bơnah priă dong kờl bơsram mờ 700 bơnah phan geh ală anih dong kờl mờ ală cau geh nùs nhơm niam tă pơgồp là ală bơta pơn jờng bềng bơta kuơ tus mờ ală oh. Bi ùr Lại Thị Loan kuang atbồ Hìu chài rơgơi ơruh pơnu kơnòm pa tàu kơnòm dềt càr Dak Lak, đơs bè do: “Digơlan ală phan pà gơ ờ gơtùi tam pà jơh ală kal ke mờ ală oh gam pal ko\ng. Mơya, bol a` kơlôi là, bal mờ kơnòl den geh bơh nùs nhơm kờn gơboh, bơh să tờm ală cau lơh broă do dê lời ai ală oh in bal mờ jơnau kơ\p kờn là ală oh sền go\ geh bơta kờn gơboh mờ bơta chờ hờp ram mhu\ bơh jơh tơl nă cau dê lời ai ală oh in”.

Bi Đặng Gia Duẩn kuang jat jơng atbồ Mpồl ơruh pơnu càr Dak Lak, pà gi\t, bal mờ bơta rcang lài bơh mpồl ơruh pơnu dê, tàm jơh ală kơnhoàl, [òn drà tàm càr ndrờm geh bơta tàm dong kờl lơh bal bơh ală mpồl cau dê, ală gah sơnah lơh broă dê, sền gròi dong kờl bal sa Tềp Trung thu ai ală oh in. Bi Đặng Gia Duẩn, đơs bè do: “Mpồl lơh broă sùm Mpồl ơruh pơnu càr mờ Mpồl duh broă mpồl kơnòm pa tàu lam lài Hồ Chí Minh càr neh đơng lam tus jơh ală 15 kơnhoàl, [òn dờng, mờ [òn drà tàm càr in là tàm mang ngai 14 nam he den ndrờm bơyai lơh mang chờ àng kơnhai ndar me lời ai ală oh in. Tàm nam do, den bol a` kung gam pơn jat tai wèt tus ală tiah sar lơgar ngài, [òn lơgar geh rài kis kal ke, tiah làng bol kòn cau nàng kờn dong ală oh ờ geh tơl ală bơta geh tus mờ ală anih nhơl bơh kơnòm dềt dê, pơnyơu bè broă lơh Trung thu “Mang chờ àng kơnhai ndar me”, den ală oh geh dùl kàl Trung thu chờ hờp ram mhu\ kềng cau hìu bơnhă, mờ ală bi kuang bàng mpồl ơruh pơnu”.

 Mờ bơta sền gròi dong kờl bơh ală mpồl cau tàm tiah do dê, kàl Trung thu nam do, kơnòm dềt càr Dak Lak, ngan là ală oh kis tàm tiah sar lơgar ngài geh wa\ rò Trung thu hờm ram lơngăp lơngai chờ hờp mờ bềng bơta kuơ”.

                                           Cau cih mờ yal tơng^t- Lơ Mu K’ Yến