VOV4.K’ho - Tơngguh broa\ lơh  rê tus ala\ [òn làng,  dong làng bol geh lơh niam wơl ala\ kal ke, hơ\ kung la broa\ mờ ala\ cau kuang, cau ling kuang àng càr Daklak bơ kràu sa\ ja` rcang tam lơh,  rềp làng bol, wa\ làng bol. Di tơng kah  55 nam ngai bơhìan  mpồl kảnh sát làng bol (20/7), bol he geh jòi wa\  bè ala\ broa\ lơh bơh mpồl kảnh sát cơ động càr Daklak, wèt hờ [òn lơgar,  mut lơh jat 6 bơta Bác Hồ bơto kuang àng làng bol Việt Nam.

            Neh ua\ nam do, tàm ua\ [òn tàm tiah sar lơgar ngài tiah xã bơh càr Daklak, rùp sa\ bơh ala\ cau kuang, cau ling kảnh sát cơ động,  trồ ngai den lòt lơh broa\ mù bo\,  kào nhơt, twah wàs rbòng dà,  pơ nì gời tui chi, tui ù nàng geh lơh niam wơl ala\ gùng lòt neh gơ gơs la  bơta mờng ngan. Muh mat gơ jum  jù tơngai, sap nho\ niam bơne\ bơh ala\ bi kung neh gơ gơs rềp mềr ngan tàm ala\ broa\ lơh tam tìp git gơp,  pà phan,  lơh hìu dong ala\ hìu nha\ kal ke lơh hìu ơm. Mìng is nam 2016, kảnh sát cơ động Daklak bơyai lơh 3 dơ\ lơh broa\ dờng,  mờ 900 na\ cau kuang, cau ling tus bal, geh ta\ pơ gồp rlau 6 rbô ngai lơh broa\. Đại tá Hồ Bắc, Trưởng phòng kảnh sát Cơ động, kuang àng càr Daklak ai git, do ờ mìng la broa\ lơh sa geh dong làng bol mờ gam la mùl màl pơlam tàp, nàng geh lơh niam ala\  broa\ lơh chính trị:

            Dùl la bol a` geh  tàp ai cau ling gam kơnòm bè bơta chài tàm rài kis, mờ 2 la bơto bơtê bè gơnoar mờ kơnòl bơh gah lơh broa\ kuang àng bal mờ broa\ lơh tờm den pal rềp mềr mờ làng bol, tài kac màng la  rài bơh làng bol, dilah làng bol kờ` bal den bol he geh cồng nha. Hơ\ sồng bol  a` geh git ngan  ù tiah, kờ` mut lơh  ala\ broa\ lơh den geh gơ mờng, bơsong geh, geh lơh bal mờ broa\ lơh nền nòn ngan.

            La cau sùm lơh jat nền nòn ngan ala\ dơ\ tus lơh broa\ hờ [òn, Trung tá Nguyễn Công An, Tiểu đòan trưởng Tiểu đòan kảnh sát cơ động, kuang àng càr Daklak boh bơr:  Rê tus ala\ tiah sar lơgar ngài, geh ơm bal, sa bal, lơh broa\ bal mờ làng bol hơ\ sồng go\ jơh rài kis tiah do gam bòl glar ngan, ờ tơl srap bơta. Sơrlèt gan mờ kal ke tu\ rê lơh broa\  hờ [òn, ala\ bi sùm chờ hờp, lơh broa\ jơh nùs ngan tu\ làng bol kờ` dong kờl. Den tàng ngan  mờ tơnơ\ ala\ dơ\ lòt lơh broa\ hờ bơdĩh,  bơta git gơp gơ lơh rềp mềr rlau, kờ` gơboh rlau bơh làng bol mờ cau kuang,  cau ling kảnh sát cơ động slơ gơ lơh rềp mềr rlau. Trung tá Nguyễn Công An ai git:

            Mut lơh jat 6 bơta bơh Bác Hồ bơto kuang àng làng bol den jat a`  do la ala\ broa\ ngan ngồn ngan, nền nòn, chul chồl bơta git wa\ is bơh cau ling kung bè pơ gồp bal nàng git wa\ geh ala\ kal ke bơh làng bol tàm tiah sar lơgar ngài kờ` slơ git gơp đềt mềr rlau, tam klac rlau bơh làng bol mờ cau kuang, cau ling kuang àng càr. Bơh hơ\, cau kuang cau ling dờp git geh bơnga\ kơnòl  he dê tus mờ broa\ lơh he dê kung bè mờ [òn lơgar.

            Bal mờ ua\ ngan broa\ lơh tơn geh dong làng bol, cau ling  kảnh sát cơ động Daklak gam geh lơh bal mờ ala\ mpồl bơtìan  nàng pơ gồp ta\ geh git nđờ rhiang tơlak pria\, git nđờ rbô pò phan,  lòt còp lùp lap dong kờl làng bol tàm ala\ [òn tiah sar lơgar ngài. Ala\ phan pà do bulah dềt, mơya gơ  cèng geh pơrya phan bơna mờ gam ai go\ nùs nhơm,  bơta sền gròi ngan bơh mpồl dê tus mờ làng bol gam  ua\ ngan kal ke. Bơta sền gròi  hơ\,  nàng pơ gồp bal lơh tơmù bơta kal ke  làng bol in, lơh geh bơta git  gơp rềp mềr, pơn jờng srơh gùt làng bol sền gàr ngap  lơngai dà lơgar.

            Ua\ nam wèt tus hờ [òn lơgar mờ broa\ tam pà bal bơta  kal ke, dong kờl jơh bal bè phan bơna mờ nùs nhơm, rùp sa\ cau ling kảnh sát  cơ động Daklak neh gơ gơs mờng  ngan, geh làng bol  tàm ala\ [òn pin  dờ` kờ` gơboh. Ồng bèp M’tor kis tàm [òn Hằng Nam, xã Giang Mao, kơnhòal Krông Bông đơs:

            Xã Yang Mao đơs bal, [òn Hằng Nam đơs is la tiah sar lơgar ngài ngan  jơgloh rbah mờ ờ tơl srap bơta la ua\ ngan. 2 nam do,  geh kảnh sát  cơ động rê dong làng bol tuah  wơl rbòng dà, lơh kloh tiah kis... Đơs bal la cau kuang cau ling rê dong làng bol  chờ hờp ngan, đềt mềr ngan, lòt tềng lơi kung geh làng bol, lơh bal mờ ơruh pơnu, mờ làng bol.

            Bal mờ bơta  git go\ kờ` gơboh  mpồl kảnh sát  cơ động, ồng Y Dhưn  kis tàm xã Bông Krang, kơnhòal Lak, càr Daklak ai git:

            Kơnờm bơh mpồl kảnh sát cơ động bơh càr geh twah wàs rbòng, tu\ do geh dà  tus tàm sre, làng bol chờ ngan,  lơ òr,  sơkam,  sih,  tam... 2 [òn bol a`  ho la geh tam klac  lơh ngan tàm lơh sa phan bơna, sền gàr ngap lơngai chính trị.

            Mù tus hờ [òn nàng tam tìp,  pà phan,  lơh broa\ dong làng bol,  ala\ cau ling kảnh sát cơ động đơs is, kuang àng Daklak đơs bal, slơ ngai slơ geh mut lơh tàm bơta mùl màl mờ wa\ ngan rlau  bơta tàm [òn lơgar, bơta  sơnơng, kơp kờ` bơh làng bol. Nùs nhơm ling klàng làng bol kơnờm bơh hơ\ mờ slơ ngai slơ  ram mhu\  pin dờ`. Ala\ broa\ lơh do gam pơnjat tai geh lơh ua\ tàm gùt mpồl kuang àng mờ neh gơ gơs   broa\ lơh geh cồng nha tàm bơsram,  lơh jat ơnà jak Bác Hồ dê, mut  lơh jat 6 bơta Bác Hồ bơto kuang àng làng bol.

                                                            Cau cih mờ yal tơnggit K’ Brọp