VOV4.K’ho- Tàm ngai sơnrờp lĭk lơh broă lơh jăt rơndăp broă lòt sền gròi, lơh glài cau gơtìp tìs jăt tơngu me broă lơh “Cau măi rơndeh tàm gùng mờ tàm să geh ma tuý, tìs mờ bơta geh angkôl”, mpồl kảnh sát sền gàr gùng lòt gùt lơgar neh gŏ, lơh glài rơlao 600 nă cau tìs angkôl mờ ma tuý.

Ngai òr (15/03), gùt lơgar neh gơtìp 24 dơ̆ rềs àr tàm gùng lòt, lơh chơ̆t 8 nă cau, sồt să 20 nă cau. Rềs àr tàm gùng rơndeh ồs, gùng tàm dà ờ gơtìp. Ngai sơnrờp lĭk lơh broă lơh glài 7 rơbô 388 nă cau tìs mờ bơta niam ờ do ờ dă tàm gùng lòt, lơh glài mờ priă rơlao 7 tơmàn đong, tàm hơ̆ geh 604 nă cau tìs mờ angkôl, 02 nă cau geh gŏ mờ ma tuý.

Cau mblàng Ndong Brawl