VOV4.K’ho - Mho òr (22/1),  kes pria\ dong kờl kơnòm dềt Daklak bơyai lơh broa\ lơh  “Sơnam pa kờ` gơboh”  tus mờ kơnòm dềt rbah, kòn đời,  kuet kơlte tàm càr. Tus bal broa\ lơh geh rlau 700 na\ kơnòm dềt geh rài kis ua\ ngan kal ke geh nhơl nho\ chờ hờp,  geh sền ala\ jơnau đơs crih gờm chờ sơnam pa niam ngan bơh ala\ kơnòm dềt đơs, lơh. Broa\ lơh gam pà 100  bơnah pria\ bơsram, tơl bơnah pria\ geh tus 800 rbô ai kơnòm dềt rbah  brồ guh tàm bơsram, pà phan ngui tàm bơsram bơdĩh tiah ai kơnòm dềt tàm tiah sar lơgar ngài kờp pria\ geh tus 80 tơlak pria\, jàu 1 rbô phan pà sa tềp ai tus kơnòm dềt  kòn đời, kuet kơlte tàm hìu ròng siam sền gàr mpồl bơtìan mờ hìu pờ. Do la phan pà geh pơrya ngan tus mờ ala\ oh geh rài kis ua\ ngan kal ke  di tu\ satềp, sơnam pa tus.

                             Cau cih mờ yal tơnggit K’ Brọp