VOV4.K’ho - Mho ngai òr nao 17/03, Kes priă Sền gàr dong kờl kơ nòm dềt càr Dak Lak di Gah Lơh broă cau ling sồt să mờ mpồl bơtiàn càr Dak Lak dê, neh bơyai lơh Pơrjum tơn jơh broă lơh nam 2014 mờ mu\t lơh broă rơndăp lơh nam 2015. Đơs tàm dơ\ Pơrjum, mò Mai Hoan Niê Kdam kuang jăt jơng atbồ Anih duh broă làng bol càr Dak Lak neh cih dờp mờ đơs niam ngan ală cồng nha lơh geh tàm nam 2014 bơh Kes priă sền gàr dong kờl kơnòm dềt càr Dak Lak dê; mơkung đơs tờm: tàm bơta lơh sa mpồl bơtiàn gam uă kal ke, nàng pơn jăt tai mu\t lơh niam broă lơh do, sồr bơta pơ gồp bal pràn tàm sơmbat tê bal mờ bơta lơh bal bơh ală mpồl cau, mpồl lơh sa kă bro mờ làng bol bòn lơgar, mpồl bơtiàn dê, kuơmàng ală gah sơnah lơh broă tàm càr, ală kuang bàng tàm Mpồl duh broă sền gàr dong kờl kờ` sơlơ pơ gồp tàm broă lơh lam sồr lơh gơs kes priă.