VOV4.K’ho – Sa tềp trung thu nam do, kes priă sền gàr mờ dong kờl kơnòm dềt càr Daklak pơgồp bal mờ ală mpồl lơh sa kă bro bơyai lơh jàu 450 bơnah phan ai kơnòm dềt rbah tàm ală kơnhoàl Ea Kar, Krông Buk, Krông Pach. Mờ khà priă kờp jơh rlau 100 tơlak, dong ală oh wă rò sa tềp trung thu chờ hờp mờ ram mhu\. Kes priă sền gàr mờ dong kờl càr Daklak jàu 10 bơnah priă dong kờl bơsram kờp tus 8 tơlak priă nàng dong ală kơnòm bơsram rbah sơrlèt gan kal ke tàm nam bơsram pa, kờ` pơn jờng ală oh pơnjat tai brồ guh bơsram jak. Tơnơ\ mờ tu\ geh ală mpồl bal, ală mpồl lơh sa kă bro dong kờl den Kes priă sền gàr mờ dong kờl kơnòm dềt neh tus tơn tàm ală [òn, tiah sar lơgar ngài, tiah kal ke. Kuơ màng là tiah geh gal kơnòm dềt kòn cau nàng dong kờl ală bơnah phan kờp priă 200 rbô tàm hơ\ geh ba` kèu mờ ală phan ngui ndai hìu nhă ală oh in.

               Cau cih mờ yal tơnggit K’ Duẩn.