VOV4.K’ho - Ƀộ Y tế pa bơyai lơh pơrjum dờp bal ngai dunia rơcang sơndră mờ kòp gơtờp. Tàm dơ̆ pơrjum, Ƀộ Y tế yal: Tus tŭ do, gùt lơgar neh cit mờr 150 tơlăk đing sơnơm vaccine tàm khà rơlao 166 ding sơnam vaccine neh geh tam pà.

Khà geh cit 1 ding sơnơm vaccine là 79% mờ khà geh cit tơl sơnơm vaccine là 66% khà kờp làng bol. Khà do neh rơlao mờ jơnau kờñ mờ Mpồl lơh sơnơm dunia ai geh tus jơh nam do, 40% khà kờp làng bol bơh tơl lơgar geh cit sơnơm vaccine rơcang sơndră mờ kòp Kovid-19. Ƀộ Y tế sồr ală càr, ƀòn dờng atbồ nền nòn mpồl cau di gơlan gơtìp uă tàm tơl càr, ƀòn dờng; lơh jăt niam broă cit sơnơm vaccine rơcang sơndră mờ kòp Kovid-19 ntrờn tus tàm hìu, gàr niam bañ lời gơtìp gơlời gời cau gơwèt mpồl di gơlan gơtờp uă; Bơyai lơh sền gàr mờ sơm kòp cau F0 gơwèt mpồl di gơlan gơtờp uă bơh tàm tŭ rơ̆p gơtìp.

Cau mblàng Ndong Brawl