VOV4.K’ho - Mho òr (20/7), tơnơ\ mờ mu\t pơrjum, mò Nguyễn Thị Kim Ngân, kuang atbồ Gơnoar ala măt dà lơgar kơnă 13 neh ala măt Anih duh broă sùm Gơnoar ala măt dà lơgar kơnă 13 yal bè khà Kuang jăt jơng atbồ Gơnoar ala măt dà lơgar, khà Kuang geh jơng tàm Anih duh broă sùm Gơnoar ala măt dà lơgar, geh 18 nă kuang bàng, Kuang atbồ Gơnoar ala măt dà lơgar, 4 nă kuang jăt jơng atbồ Gơnoar ala măt dà lơgar mờ 13 nă kuang bàng geh jơng. 4 nă kuang jăt jơng atbồ Gơnoar ala măt dà lơgar geh dong kờl kuang atbồ Gơnoar ala măt dà lơgar bè ală gah: kòn cau, lơh broă bal mờ lơgar ndai, bơta chài rơgơi, mpồl bơtiàn; Lơh sa, priă jền, khoa học mờ tiah kis; Adăt boh lam; Sền gàr bơta lơngăp lơngai dà lơgar. Ală kuang bàng tàm Gơnoar ala măt dà lơgar pơrjum tàm mpồl cri bơyai bè rơndăp broă khà Kuang jăt jơng atbồ Gơnoar ala măt dà lơgar, khà kuang geh jơng tàm anih duh broă sùm Gơnoar ala măt dà lơgar. Ngai do 21/7, mò Tòng Thị Phóng, kuang jăt jơng atbồ Gơnoar ala măt dà lơgar kơnă 13 ala măt anih duh broă sùm Gơnoar ala măt dà lơgar kơnă 13 yal cồng nha cri bơyai tàm mpồl mờ mblàng, iăt jơnau đơs pơgồp bal bơh ală kuang bàng tàm Gơnoar ala măt dà lơgar bè khà kuang jăt jơng atbồ Gơnoar ala măt dà lơgar, khà kuang bàng tàm anih duh broă sùm Gơnoar ala măt dà lơgar.

                       Cau cih mờ yal tơng^t Ndong Brawl