VOV4.K’ho- Mang ngai 23/12, gùng 27C gơl lòt gan kùel Khánh Lê, xã Sơn Thái, kơnhòal Khánh Vĩnh, càr Khánh Hòa gơtìp tơrlah, lơh kòl gùng lòt. Gùng 27C tơrbo\ 2 càr Khánh Hòa mờ Lâm Đồng jòng mờr 130 kơi sồ, tàm hơ\ gơl lòt gan kùel Khánh Lê jòng mờr 30 kơi sồ, geh ua\ gơl kùel kơh ngòt rơngơt ngan. Nđờ ngai do, tài mìu dờng jo\ jòng, gùng 27C tơrbo\ 2 càr Khánh Hòa mờ Lâm Đồng gơl lòt gan kùel Khánh Lê gơtìp tơrlah tàm kơi sồ 41 mờ 350.

Mìu dờng, dà bơh đang bơ nơm hòr lơh tơrlah ta luy dương, ù lu\ bồr jơh mat gùng, kờp du\ mờr 2 rbô 200 khối. Gơl gùng gơtìp kòl, ua\ rơndeh rơndồ ờ gơtùi lòt rê, pal wơl bồ rê wơl. Tơ nơ\ tu\ gơlik geh bơta do, mpồl lơh broă geh gơ noar  geh mhar tam pà gùng lòt, pơlam ală rơndeh rơndồ lik bơh tiah ngòt rơ ngơt. Chi cục atbồ gùng lòt ù gờl 3.3 gam ai phan bơna ma\i mok nàng khòm ù lu\, bơsong bơta tơrlah ù, neh gơtùi ai lòt rê dùl bơnàng gùng, dong ală rơndeh gơ kòl gơtùi lòt rê.

Cau mblàng K’Duẩn