Tryang tryồng lơh broă sa, git tềm pềr, uă hìu nhă làng bol kòn cau Nùng tàm ntum Dak N’drot, kơnhòal Dak Mil, càr Dak Nông neh jơh rbah, brồ guh lơh pas tàm ù tiah [òn lơgar pa. Jơnau cih bơh Hưng Nguyên dê geh yal bè mờng chài lơh pas bơh làng bol kòn cau Nùng tiah do dê:

Ồng Âu Xuân Tài ơm tàm [òn 7 geh sền là dùl tàm ală cau pas geh priă tơlak sơnrờp ngan kơnờm tam gơl bồ tơngoh sơnơng tàm broă lơh sa. Nam 2003, ồng Tài sơnđờm bơt bơtàu broă lơh sa mờ 2 tờm chi tờm ngan là tiêu mờ kau su.

Ồng Tài pà git: Bơh sơnrờp go\ cau tam den he kung jat tam sơl, mơya tài rơwah tờm sơntìl mờ sơngka sền gàr ờ di den tàng uă tờm chi gơtìp chơt, ờ huan pràn, ờ jai dờng. Den tàng, a` neh lòt bơsram mờng chài bơh ală suơn tiêu geh cồng nha, cồng nha tơnhàu uă tàm càr Dak Lak, Bình Phước, hơ\sồng kơlôi sơnơng tàm ù mìr nàng geh bơta chài mut ngui dipal ngan rlau jơh, den tàng lơh geh cồng nha niam ngan.

Tu\ neh git bơta chài lơh broă, ồng bơcri tu\ tơngai, dà kơl hề, priă jền tàm broă tam tiêu, kau su mờ mut lơh tơl làm bơta chài sơngka sền gàr, ơn phơng. Kơnờm bơh hơ\, suơn tiêu 3.000 `jrong mờ 6 lồ kau su bơh hìu nhă ồng dê ngai sơlơ gơs niam, mut tàm tơngai tơnhàu, cồng nha tơnhàu nam tơnơ\ sùm jơnhua rlau mờ nam lài, tu\ do, pah nam, hìu nhă ồng lơh geh rlau 500 tơlak priă. Ndrờm bè hơ\ sơl, hìu nhă bi Triệu Đình Thi kung ơm tàm [òn 7, bơdìh mờ tam phan tam lơyah ngai den gam geh 3 sàu kau su, 5 sàu kơphe, 1.000 `jrong tiêu, priă lơh geh pah nam rlau 400 tơlak priă. Nàng geh cồng nha bè ngai do, hìu nhă bi Thi kung neh pal sơr lèt gan 2, 3 dơ\ ờ geh cồng nha tàm broă lơh sa hơ\sồng git ai geh mờng chài, gơtùi kơ\ kơljap broă lơh sa.

Jat bi Thi yal, den tam tiêu pal bơcri uă priă jền, tu\ tơngai, dà kơl hề tus mờ broă sơngka sền gàr mờ bơta chài bơh tu\ tồt `jrong, tam tus tu\ tờm tiêu gơglòm jơh tềng `jrong, sồr làng bol pal git wă hơ\sồng gơtùi lơh. Bơh sơnrờp bi lơh ndang, bơsram ndang, den tàng uă dơ\ tờm chi gơtìp chơt tài kòp lơh aniai. Bơh mùl màl lơh broă sa, bi neh ai geh uă ngan bơta mờng chài să tờm in, hơ\ là dilah lơh ngan, khin cha mờ git bơsram, đòm jat, mut ngui bơta chài lơh broă den ngan là lơh geh cồng nha. Kuơ màng, bulah tu\ do khà priă bơsơt kau su tàm drà kă bro gam gơmù uă ngan, mơya hìu nhă bi kung gam kơ\ nùs sền gàr suơn chi tài pah ngai kung geh priă đau bơh tac bơsơt kau su.

Bi Thi đơs là, broă lơh sa mờ jat srơh, tu\ do tam chi do, ngai hìng tam chi ndai den kal ke ngan, ờ git tus tu\ lơi den hơ\ sồng gơtùi kơ\ kơljap broă lơh sa. Tu\ do kau su gờmu khà priă, den geh priă jền lơh geh bơh suơn tiêu, kơphe bơtơl wơl, den tàng hìu nhă kung gam gơtùi sền gàr suơn kau su jo\ jòng.

Jat mò Lăng Thị Trương, kuang atbồ Mpồl cau lơh broă sa ntum Dak N’drot, ntum tu\ do geh 120 hìu nhă làng bol geh khà jờng lơh sa, kă bro jak, uă ngan là kòn cau Nùng. Do là ală cau geh pơnrơ lam lài tàm broă mut ngui bơta chài lơh broă tàm broă bơtàu tơnguh lơh sa hìu nhă, tam gơl chi tam geh cồng nha. Ờ mìng lơh pas hìu nhă in, ală hìu nhă lơh broă sa, kă bro jak gam dong kờl bè priă bơcri, sơntìl chi tam, phan ròng kung bè bơto pơlam ală bơta chài git wă, mờng chài lơh broă sa tus mờ ală hìu nhă geh rài kis kal ke ndai bơtàu tơnguh bal.

                                                                                   Cau mblàng K’ Duẩn.