VOV4.K’ho- Tàm càr Kon Tum broă sền gròi sa tềp ai làng bol gam wèt tus tiah sar lơgar ngài mờ tiah nhàr lơgar bal mờ bơta lơh ngan ờ lời làng bol lơi ờ geh sa tềp.

Sơlơ mờr tus ală ngai sa tềp, tàm ală gơl gùng tàm càr Kon Tum sơ lơ geh tai ua\ mpồl rơndeh “jun sa tềp” tus mờ làng bol tiah sar lơgar ngài, tiah nhàr lơgar kal ke bơh càr dê. Là dùl tàm 200 nă kơ nòm bơsram hìu bơsram Phổ thông Kòn cau ơm sa ngai kấp dùl Đăk Nên, xã Đăk Nên, kơnhoàl Kon Plông geh dờp phan sa tềp bơh Broă lơh “Sa tềp ram mhu\ ai kơ nòm bơsram r[ah tiah kơh bơ nơm in “ Wă rò nam pa Tân Sửu 2021, oh Y Lan, kòn sau Sơdàng, kơ nòm bơsram ơdu\ 5A chờ hờp pà g^t:

Sau gơ lơh chờ hờp ngan tài bơh ală wa, ală mơi lo\ neh pà sau in ào ram. Sau ưn ngài ală wa, ală mơi lo\ ua\ ngan. Sau g^t là sau neh geh ào ram den sau lơh ngan bơsram sơlơ gơ long sồr, sơlak jak rlau, ia\t bơr mè bèp mờ ia\t bơr bi hền.

Bơta chờ hờp geh ào ram wa\ rò sa tềp bơh ală kơ nòm bơsram kấp dùl Đăk Nên dê

Xã Đăk Nên, kơnhoàl Kon Plông, càr Kon Tum gơ wèt hìu bơnhă kal ke uă mờ ơm ngài mờ [òn dờng Kon Tum pơgap 140 kơi sồ. Jat pơru Lê Tấn Trường Anh, Kuang atbồ hìu bơsram Phổ thông Kòn cau ơm sa ngai kấp dùl Đăk Nên, hìu bơsram geh 17 ơdu\ mờ 249 nă kơ nòm bơsram mờ jơh ală kơ nòm ndrờm là oh kòn làng bol kòn cau Sơdàng. Broă lơh “Sa tềp ai kơ nòm bơsram r[ah tiah kơh bơ nơm in” wa\ rò nam pa Tân Sửu 2021 tus mờ ală oh là bơta pơn jờng dờng ngan.

Ală kơ nòm bơsram tàm do tiah sar lơgar ngài, kal ke ngan bơh tàm je\p cù, ào soh halà ală phan ngui gơ rềng tus broă bơsram sră bơh ală kơ nòm dê. Ngai do ală bi neh cèng tus ai ală kơ nòm dềt in bơta ram mhu\ tàm kàl mrềt rềp mờ tơngai sa tềp. Ngan ngồn hơ\ là nùs nhơm dờng màng ngan rlau jơh.

Oh mi cau ùr xã Mo Rai, kơnhoàl Sa Thầy geh phan ngui tàm dơ\ sa tềp bơh drà ờ sa pria\

Bal mờ ală tiah sar lơgar ngài, tiah làng bol jơi bơtìan kòn cau kal ke, ală ngai do tàm 13 xã tiah nhàr lơgar gơ wèt 4 kơnhoàl Đăk Glei, Ngọc Hồi, Sa Thầy mờ Ia H’Drai càr Kon Tum dê kung geh lơh ua\ broă lơh sền gròi sa tềp ai làng bol in. Tàm kơnhoàl  Ia H’Drai, lài mờ ală ngai nam pa tơn, Ủy ban Mặt trận dà lơgar Việt Nam kơnhoàl dê neh jàu 7 nơm hìu ơm tam klăc mờ kờp pria\ 390 tơlak đong ai 7 hìu bơnhă r[ah kal ke bè hìu ơm in. Ồng Nguyễn Tiến Dũng, Phó Chủ tịch Ủy ban Nhân dân kơnhoàl Ia H’Drai pà g^t: kơnhoàl neh ai rlau 700 tơlak đong nàng sền gròi, dong kờl sa tềp ai hìu bơnhă r[ah, hìu bơnhă geh rài kis kal ke in. Den bơh ua\ mpồl krơi is dong kờl tơl xã rlau 100 tơlak đong nàng sền gròi sa tềp bal ai làng bol tàm ală thôn in.

 Broă sền gròi sa tềp ai làng bol tàm do geh bol a` sền gròi uă ngan, mut lơh bơh kấp ủy, gơ noar atbồ tiah do dê. Bol a` gam lam lơh jơh nùs jơh tồr ngan. Ngai chờ [a` mbar tơrlir kung geh tàm bơr lu\ bal nàng lơh mbè lơi gơ in ngan ngồn do là dùl ngai chờ klơm [a` mbar tơ lir bơh tiah làng bol ơm kis dê. Pleh mờ ală cau lơh gời, lơh bal bal ờ cèng wơl cồng nha. Pơ gồp bal mờ mang đơs crih tam ya Nam pa tiah nhàr lơgar den hơ\ sồng gờm chờ Đảng gờm chờ Nam pa, gờm chờ dà lơgar tam gơl pa.

Bơta chờ hờp sa tềp tus mờ làng bol tiah nhàr lơgar

Lơh gơ rề nùs nhơm tam pà bal bơta kờ` gơ boh sơm bat tê bal sền gròi sa tềp ai làng bol tiah nhàr lơgar in, Mpồl tam klăc cau ùr càr Kon Tum bal mờ Gah đơng lam mpồl ling sền gàr tiah nhàr lơgar càr. Mpồl tam klăc cau ùr [òn dờng Hà Nội neh bơyai lơh ua\ broă lơh tàm ală gơl gùng tiah nhàr lơgar jòng rlau 293 kơi sồ rềp nhàr bal mờ lơgar Lào mờ Campuchia. Ală dơ\ “Sa tềp kờ` gơ boh”, jàu hìu ơm nùs nhơm; tàm pơr lòng klơm mbar lơm pòng mờ lơh ală phan sa ờs mờng; drà ờ sa priă; dong kờl broă lơh bơtàu tơnguh lơh sa bơh mpồl cau ùr, jàu pria\ bơsram ai kơ nòm bơsram in, pà phan sa tềp… mờ kờp jơh pria\ ală broă lơh dê pơgap 500 tơlak đong neh cèng wơl ua\ bơta chờ hờp sa tềp ai làng bol tiah nhàr lơgar in. Bi Y Tháo, ơm tàm [òn Grập, xã Mo Rai, kơnhoàl Sa Thầy chờ hờp ngan tu\ geh dờp ua\ phan ngui nàng ngui tàm dơ\ sa tềp bơh drà không đòng.

Oh geh pà sơ gơn len mờ ào mpha, sơm prồm tê; [a` kèo mờ geh tai sơ [ong um bồ, oh chờ hờp ngan. Phan pà do geh kuơ ngan, ngui jo\ ngan nàng he in ndau tàm kàl mrềt lòt tiah lơi he kung ndau gơ.

Mờ bơta lơh ngan ờ lời hìu bơnhă lơi ờ geh sa tềp, Ủy ban Nhân dân càr Kon Tum neh lơh ngan ai mờr 11 tơmàn đong dong kờl hìu bơnhă, hìu bơnhă ndrờm bè r[ah in wa\ rò sa tềp bơhìan dà lơgar Tân Sửu 2021. Jat hơ\, rlau 12 rơbô hìu bơnhă r[ah càr dê sa tềp tus do geh dong kờl tơl hìu bơnhă 600 rơbô đong, rlau 2 rơbô hìu bơnhă jat broă jàu siơ\u broă dong kờl drơng broă mpồl bơtìan sền bal mờ hìu bơnhă r[ah geh dong kờl 300 rơbô đong. Tàm ală ngai do, bơta chờ hờp sa tềp lơh gơ rề jơh bal tàm ală tiah sar lơgar ngai, tiah kal ke ngan rlau jơh càr Kon Tum dê.

Cau cih Khoa Điềm- Cau mblàng K’ Hạnh