VOV4.K’ho – Tơnơ\ uă nam crơng gơs mat kă bro, sa Tềp nam do, bơkàu ris Mang Đen bơh kơnhoàl Kon Plông, càr Kon Tum dê neh geh tiah tăc tàm drà mờ gam geh uă ngan cau kờn blơi. Bơh ală ntê bơkàu ris tàm dơ\ sa Tềp do, kơnhoàl ù tiah Măng Đen jơnhoa rlau 1200 thơk pơndrờm mờ mat dà lềng, digơlan geh cau gi\t tus mờ ală bơta kuơ krơi is bơh he dê.

Dơ\ sa Tềp do, ală tiah tam bơkàu tàm Măng Đen neh tăc mờ drà kă bro dùl bơnah bơkàu uă ngan rlau jơh bơh lài tus tu\ do bal mờ rlau 46 rbô ntê bơkàu ly, mờr 12 rbô sơbàk bơkàu tòng ală bơta bal mờ gi\t nđờ jơ\t rbô tờm bơkàu cẩm chướng, lay ơn, tuy líp, cát tường, phú quý. Tu\ do, pah ngai, ală sươn bơkàu dờng bơh Mpồl lơh sa bal lơh biăp bơkàu tiah mrềt Ơruh pơnu Măng Đen; Anih tờm jat ngui bơta jak chài măy mok; Anih tờm bơto broă lơh Măng Đen…ndrờm wă rò gi\t nđờ jơ\t nơm rơndeh pơndiang phan tàm càr mờ bơh càr ndai tus nàng blơi bơkàu. Bal mờ drà kă bro mờng quèng tàm càr mờ ală càr rềp bal, bè Gia Lai, Quảng Ngãi, Quảng Nam, Bình Định, bơkàu ris Măng Đen neh sơnđờm geh cèng tăc tàm [òn dờng Hồ Chí Minh mờ geh cau kờn blơi uă ngan.

Cau cih mờ yal tơngi\t- Lơ Mu K’ Yến