VOV4.K’ho - Tơnơ\ 3 nhai mut lơh,  5 nơm rbàng yồng geh lơh tàm càr Kon Tum, tàm broa\ lơh 186 nơm rbàng geh gùng lòt niam bơh Gah gùng lòt mờ pơndiang phan dà lơgar mut lơh tàm 28 càr tiah kơh bơnơm đah tô, tiah tàm gùl lơgar mờ Tây Nguyên neh bơh sơnrờp geh lơh gơs. Lơh di bơta kơp kờ` bơh làng bol [òn lơgar, ala\ rbàng do neh cèng geh bơta buơn boài tàm lòt rê mờ  bơta chờ ngan bơh git nđờ rbô na\ làng bol.

            Pơgap mờ do rlau 6 nam, ala\ ntum Đak Na, Đak Sao, kơnhoàl Tu Mrông mờ Đak Trăm, kơnhoàl Đak Tô bơh càr Kon Tum gơbàn tơrlah tơrling  ua\ ngan tài bơh mìu càl rbut dờng lơh aniai. Bal mờ bơta gơbàn aniai ua\ ngan bè màng kis kòn bơnus, phan bơna bơh tơl hìu nha\, dơ\ mìu càl dờng dà lơh kung neh lơh tơrlah jơh ala\ rbàng yồng làng bol ngui dê, lơh ala\ [òn gơs ala\ bồt. Broa\ bơcri lơh 5 nơm rbàng yồng tàm broa\ lơh 186 nơm rbàng làng bol in ngui geh gùng lòt niam  bơh Gah gùng lòt pơndiang phan  neh cèng geh bơta niam mờ bơta chờ ai tus rlau 5 rbô na\ làng bol  mờ ua\ ngan la làng bol kòn cau Sơdàng tàm do. Bi A Lốk kis tàm [òn Plei Năng Nhỏ 1, ntum Đak Sao, kơnhoàl Tu Mrông ai git:“Tơnơ\ dơ\ mìu càl rbut dờng sồ 9 nam 2009 kal ke ngan ờ gơtùi lòt ta\ gan. Rơndeh mờ bal mờ kòn bơnus kung ờ gơtùi lòt gan geh tus tiah do. Rbàng pa do geh buơn boài ngan tàm broa\ pơndiang tơngời, bùm,  kòi.  Tu\ do, geh rbàng niam bloh,  ờ do ờ da\ tu\ trồ mìu dờng bè lơi kung gơtùi lòt niam sơl.

Rbàng yồng Năng Lớn 3, ntum Đak Sao dong làng bol ờ gam gơbàn gơ kơryan pah tu\ mìu nhàc tih dà.

“Lơh geh rbàng do ngan la làng bol chờ ngan. Ua\ tu\ khi tus tềng do geh ta\ pơ gồp bal, tùng bal mpà`, tùng bal lòs, khi lơh jat ngan. Đơs bal làng bol khi chờ ngan. Tu\ do,  gùng lòt niam bè do di lah mìu kung ờ ngòt dà, làng bol chờ ngan”.

Rbàng yồng Năng Lớn 3, ntum Đak Sao dong làng bol ờ gam gơbàn gơ kơryan pah tu\ mìu nhàc tih dà.

            Geh mut lơh bơh Sơne\ Khoa học mờ công nghệ gah gùng lòt pơndiang phan đah jum, mờ kờp jơh pria\ mut lơh tus 28 tơmàn pria\, 5 nơm rbàng geh lơh tàm Kon Tum geh ơnàng rbàng di 2 thơt, jòng di bơh 100 thơt jòng rlau, mpồng rbàng, sa\ rbàng, ràng đa…neh geh lơh gơs mờ lòs nàng gàr geh bơta kơljap mờ niam. Nàng rbàng geh drơng làng bol lòt rê jo\ jòng,  bơta geh lơh niam rbàng tơnơ\ geh ai ngui kung geh gah lơh broa\ geh gơnoar càr Kon Tum kờp du\ nền nòn. Ồng Trần Thanh Hải gơnoar jat jơng atbồ broa\ lơh I-Gah gùng lòt pơndiang phan càr Kon Tum, ai git:“Tàm broa\ mut lơh rbàng yồng, bol a` dê bơh yau tus tu\ do gam ờ suk ngan broa\ lơh geh gàr niam wơl rbàng yồng. Dilah dùl nơm bơ lòng gơbàn gơta\ den rbàng geh gơbàn ờ  diơng mo. Bol a`  geh lơh broa\ mờ gơnoar atbồ [òn lơgar geh lơh ngan nàng cau ngui rbàng do geh dùl ơdu\ bơto pơlam broa\ sền gàr rbàng yồng. Pria\  nàng geh lơh niam geh lơh broa\ mờ ala\ anih lơh broa\ geh gơnoar kờ` geh lơh niam wơl jat di tơngai du\”.

                                      Cau cih mờ yal tơnggit K’ Brọp.