VOV4.K’ho- Brê geh jàu ai mpồl bơtìan in atbồ geh bơta tàm pơgồp bal niam đah adat bơhìan bơh mpồl bơtìan mờ adat boh lam Dà lơgar dê den broă sền gàr brê geh làng bol sền gròi rlau tai mờ brê bơtàu tơnguh niam rlau sơl. Do là gùng dà broă lơh kuơ màng nàng mpồl bơtìan làng bol kòn cau tàm kơnhòal Kon Plông bè ờs wơl rài kis mờ lik klàs r[ah kơ\ kơl jap. Jơnau đơs do geh ai tơlik tàm dơ\ pơrjum cribơyai lùp lăp: “Cồng nha lơh jat broă jàu ù, jàu brê mờ gùng dà broă lơh at bồ brê kơ\ kơl jap tàm kơnhòal Kon Plông”.

Anih bơyai lơh pơrjum

Broă lơh do geh bơyai lơh  ngai 15/12, tàm thị trấn Măng Đen, kơnhòal Kon Plông. Tàm 4 nam do, Mpồl tam klăc ală Mpồl khoa học mờ Kỹ thuật càr Kon Tum pơgồp bal mờ Viện Bơto pơlam Bơtàu tơnguh, Viện Bơtàu tơnguh Cau lơh broă sa Mpồl bơtìan geh jàu bal geh rlau 4 rơbô 400 lồ brê ai 19 thôn bơh 3 xã dê là Pờ Ê, Đăk Nên mờ Măng Cành, kơnhòal Kon Plông.

Jơh ală  bă brê geh jàu ai ală thôn in geh UBND kơnhòal Kon Plông dờp sră ai gơ noar ngui ù, ai gơ noar ngui brê. Bal mờ broă bơt bơtàu geh 19 jơnau hơ bè atbồ, sền gàr brê mpồl bơtìan jat tàm Adat bơhìan geh gơ noar atbồ kơnhòal dê ki\ ring bal, mờr nggùl ală thôn geh jàu brê neh bơt bơtàu sươn ờng tờm chi tam tàm tiah do dê mờ ờng g^t jơ\ rơbô sơn tìl chi tam drơng broă ai broă tam, bơtơl mờ tam wơl brê nàng bơtàu tơnguh brê.

Cau mblàng K’ Hạnh