VOV4.K’ho – Mho òr 22/4, tàm [òn dờng Kon Tum, Tam klac ală mpồl lơh bùm blàng Việt Nam pơgồp bal mờ Anih duh broă làng bol càr Kon Tum bơyai lơh Cribơyai bơtàu tơnguh tờm bùm blàng kơ\ kơl jăp jo\ jòng.

Mờ kờp jơh bă ù tam bùm blàng là 570 rbô lồ, cồng nha lơh geh kờp bal rlau 18 tấn tàm dùl lồ, nam 2015, tờm bùm blàng là 1 tàm 10 bơta phan tăc mờ lơgar ndai geh rlau 1 tơmàn dolar Mỹ, mìng ơm dơ\ 4 tơnơ\ kòi, kơphê mờ tờm điều lơm. Bơta geh ngan ai go\ tàm bàr pe tiah, kơ nờm đòm jat ală broă lơh sơngka sền gàr lơh tơnguh cồng nha lơh geh, tờm bùm blàng gam ai cau lơh broă sa in priă jền uă rlau pơndrờm mờ uă tờm chi tam ndai geh tam bal tàm dùl bă ù. Mơya, đơs tus bùm blàng, cau sùm kơlôi tus jơnau tờm lơh  ù gơtìp klàr, là jơnau tờm bơh bơta koh kơl aniai chi brê…Den tàng bè hơ\, jat ồng Nguyễn Văn Lạng kuang atbồ Mpồl tam klac ală mpồl lơh bùm blàng Việt Nam dê, kờn bơtàu tơnguh tờm bùm blàng kơ\ kơl jăp jo\ jòng, jơnau bơh sơn rờp kờn pal geh tam gơl hơ\ là bồ tơngoh, bơta kơlôi sơ nơng, broă gi\t wa\ bè tờm chi tam do: “Jat a` den lài ngan tờm bùm blàng gơ ờ geh tìs ờ. Bè bơta pal jat den tu\ chi tam jồp phan bơkah tơl pràn tàm ù nàng lơh gơlik bơnah kis den bi pal tơm wơl e\t ngan kung là bơnah kis mờ chi tam ai mơya, bol he sùm ờ go\ tơm wơl ờ. Tam bùm blàng mơya ờ sền ngac tus broă ơn wơl phơng lơh ù in nđiơm gơs wơl. Ờ go\ sền ngac tus broă lơh tam phan niam nàng lơh klàr ù den tàng bè hơ\ ù gơtìp ờ niam tai, gơtìp klàr mờ ờ niam. Jat a` là pal tam gơl bồ tơngoh, broă kơlôi broă gi\t wa\ mờ geh bal gùng dà broă lơh kung pal geh tam gơl jơh sơl”.

Cau cih mờ yal tơngi\t- Lơ Mu K’ Yến