VOV4.K’ho– Tềng đap ală kal ke mờ làng bol tiah tàm gùl lơgar gam gơbàn tài bơh mìu dà ko\ dà cò lơh aniai, làng bol tàm càr Kon Tum neh geh ua\ broă lơh nàng kờ` tam pà bal kal ke, dong làng bol tiah tàm gùl lơgar sơrlèt gan dà ko\ dà cò dờng.

Tàm ală ngai do tàm càr Kon Tum, tus tềng lơi kung sền go\ ală broă lơh niam dong kờl cau wèt hờ tiah tàm gùl lơgar. Tàm pơrjum tàm pơrlòng kờ` gơboh dà lơgar càr Kon Tum dơ\ 8 geh lơh tàm ngai 22/10 pa do, Phó Chủ tịch lơgar, mò Đặng Thị Ngọc Thịnh bal mờ ală kuang bàng tus bal pơrjum neh tă pơgồp geh rlau 155 tơlak đong dong làng bol tiah tàm gùl lơgar mờ cau r[ah càr Kon Tum.

Huyện Đoàn Đăk Glei bơh mpồl lơh broă niam dong kờl cau Kơ Nia 28 bơyai lơh mang đơs crih kah kơ lôi hờ tiah tàm gùl lơgar, tă pơgồp geh 50 tơlak đong. Ală broă lơh nàng kờ` tam pà kal ke, dong làng bol tiah tàm gùl lơgar sơrlèt dà ko\ dà cò dờng tu\ do kung gam geh ua\ cau dùl nă să, mpồl cau tàm càr Kon Tum pơn jat tai lam lơh.

Cau mblàng K’Duẩn