VOV4.K’ho – Tàm càr Kon Tum, sùm bơh mang ngai 10/10 tus mho ngai 11/10 geh mìu dờng, dà tàm ală dà dờng tàm càr neh gơguh tih. Tềng đap bơta do, gơ noar atbồ càr gam jal mhar lam lơh ală broă lơh nàng gàr niam ờ do ờ dă màng kis ai làng bol in tàm bơta mìu dà ko\ dà cò. Tàm rbàng Đăk Wét tàm gùng càr 677 gơl lòt gan đah 2 xã Đăk Long, Đăk Pxi gơtìp ngơr bam jrô mờ rơbàng bê tông tàm thôn 10 [ă gan dà dờng Đăk Pxi gơtìp dà cò tơrlah tơrlơm tơn, Ủy ban Nhân dân kơnhòal Đăk Hà neh sồr gơ noar atbồ 2 xã tồt [àng đơs lài, sồr cau sền gròi 2 gah ờ ai cau, rơndeh rơndồ lòt gan nàng kờ` gàr niam ờ do ờ dă màng kis làng bol.

Broă ai cau lơh broă sền gròi, ờ ai làng bol lòt rê kung gam geh gơ noar atbồ xã Đăk Tơ Lung, kơnhòal Kon Rẫy lam lơh tềng đap bơta mìu dà ko\ dà cò lơh tơrlah `jrong rbàng yồng bơh gùng càr 677 lòt gan [òn Kon Lung lơh rbàng do digơlan gơtìp pă. Tàm [òn dờng Kon Tum, dà ko\ dà cò tàm dà dờng Đăk Bầ gơguh tih neh lơh ngơr bam ua\ hìu ing bơh làng bol lơh kềng gah dà dờng nàng drơng broă lơh sa mờ ròng phan in.

Cau mblàng K’Duẩn