VOV4.K’ho- UBND càr Kon Tum pa geh Broă rơndăp lơh lơh jat Rơndăp broă lơh sền gàr, tam wơl mờ bơtàu tơnguh brê kơ\ kơl jăp tơngai bơh nam 2016- 2030.

UBND càr Kon Tum sồr ală sở, gah sơnah lơh broă, ală cau tờm brê lơh pràn ală broă lơh dùl ròt bal, tơrgùm sền gàr rlau 540 rbô lồ brê geh is gam geh tu\ do. Kơryan geh cồng nha jơnau mus brê, koh kơl brê tìs mờ kơrnoat boh lam mờ kă bro dơm chi brê mờ phan brê tìs mờ kơrnoat boh lam. Rcăng lài lơh jat broă lơh rcăng sơndră ồs sa brê, sền go\ mờ lam crùh ồs sa di tu\. Pơn jat tai bơ\t bơtàu Rơndăp broă lơh sền gàr, tam wơl mờ bơtàu tơnguh brê kơ\ kơl jăp; gàr niam mờ bơtàu tơnguh chi che geh tàm brê bơh càr Kon Tum dê lơh geh êt ngan rlau jơh kung bơh 63%.

Cau mblàng Lơ Mu K’Yến