VOV4.K’ho - Ngai òr 16/03, càr Kon Tum bơyai lơh Dơ\ tơngkah 40 nam Ngai tơngklàs càr Kon Tum. Tàm dơ\ bơyai lơh tơngkah, ồng Nguyễn Văn Hùng kuang atbồ đơng lam Đảng càr, mơkung là Kuang atbồ Anih duh broă làng bol càr Kon Tum neh yal wơl bơhiàn tam klăc bal bơh gùt Đảng, gùt ling klàng mờ jơh ală làng bol dê tàm dơ\ tam lơh tơngklàs càr Kon Tum, pơ gồp bơnah tơr gùm dùl dà lơgar. Ală cồng nha tam lơh pha lin dờng, bơta tă pơ gồp phi să dờng màng ngan bơh ală rơnàng cau bèp cau bi dê ai kơnhoàl ù tiah Kon Tum in sùm sùm geh cih kah tàm jơnau kah yau bơh dà lơgar mờ bơh jơi bơtiàn dê. Di tàm dơ\ do, mò Lê Thị Kim Đơn kuang jăt jơng atbồ Anih duh broă làng bol càr Kon Tum neh lam lơh srơh tàm pơr lòng lơh broă geh cồng nha chờ gờm tơngkah ală ngai lơh chờ dờng wèt tus chờ gờm Pơrjum dờng Pơrjum dờng kuang ala mat Mpồl Đảng càr dơ\ 15, mờ Pơrjum dờng Đảng gùt lơgar dơ\ 12, mờ tơngume “ Dùl nùs bal uă- tàm pơr lòng jak mờ lơh geh mhar”, lam tơr gùm jơh ală bơta pràn, lơh ngan khà gơguh tai lơh sa geh rlau 13% mờ rơndăp tăp sèng lơh sa dipal; sền gàr niam rài kis mpồl bơtiàn mờ broă kuơ bal làng bol bòn lơgar dê, tam gơl pa mờ bơtàu tơnguh rài kis phan bơna mờ nùs nhơm ai làng bol in; gàr kơ\ bơta ngăp lơngai gùng dră bal, sơlơ lơh kơ\ kơl jăp sền gàr dà lơgar, sền gàr bơta ngăp lơngai, rơndăp tăp sèng ờdo ờdă gùt làng bol bòn lơgar .