Pe nam rềp do, kờp bal pah nam, càr Kon Tum geh rlau 100 tơmàn pria\ bơh broa\ lơh jàu pria\ sền gàr brê bơh 11 hìu ma\y pờ tơlik ồs đèng ta\ tơm. Bơh kes pria\ sền gàr mờ bơtàu tơngguh brê bơh càr dê, pria\ jền do geh ai 19 mpồl,  rlau 5 rbô hìu làng bol  mờ 23 [òn lơgar in. Gơdờp niam ngan, mpờl go\ ngan rlau jơh la broa\ ta\ tơm pria\ lơh broa\  sền gàr brê la neh lơh geh bơr nàng ja\ lơh sa kơljap jap. Làng bol mờ mpồl lơh broa\ dà lơgar geh pria\ jền, bơh hơ\  geh iang nùs sền gàr brê.

            Neh la tiah geh gơbàn ờ suk ngan bơh broa\ tơnhàu chi brê tìs, tơnơ\ 3.200 lồ brê geh is tàm ntum Đak Tờ Kan, kơnhoàl Tu Mrông geh jàu tus 5 [òn làng bol kòn cau Sêdang atbồ sền gàr, dơ\ gơbàn lơh tìs adat sền gàr brê neh geh ai go\ gơmù  ngan. Tàm [òn Dak Prông nàng sền gàr 700 lồ brê geh jàu, 110 hìu nha\ làng bol geh crơng gơs 5 mpồl at bồ sền gàr, sùm tus sền, bơyai lơh lơh kù nàng kơryan sùm tàm gùng tờm mut tàm brê. Bi A Tuấn dùl na\ làng bol ai git:“Lài do, làng bol tàm [òn ờ hềt lơh kù gak do lời gơlik geh cau tơnhàu chi dùl nam rlau 10 dơ\. Lơh geh kù do bloh den  2 nam do mìng gơlik geh dùl dơ\ lơn. Mờ sền gàr brê den ờ mìng hìu lơi mờ bal mờ [òn. {òn geh lơh gơs 5 mpồl, gak ngai bè mang den tus drim cau ndai tam ơla, mìng ờ kờp hìu nha\ cau lơi gơbàn kòp hala cau kra”.

            Broa\ mut lơh broa\ lơh jàu pria\ sền gàr brê kung dong càr Kon Tum lơh mhar mờ geh lơh mhar  broa\ lơh  jàu brê, jàu ù. Tus tu\ do,  rlau 600 rbô lồ brê bal mờ ù chi brê tàm càr neh geh cau sền gàr atbồ. Mìng is ba\ brê jàu tus rlau 5 rbô hìu làng  bol mờ 23 mpồl bơtìan la mờr 130 rbô lồ. Mờ hìu nha\ sền gàr brê nam 2013, tơl hìu dờp geh bơh 3 tơlak mơ gùl tus 10 tơlak pria\ mơ gùl pria\ sền gàr brê. Kơnờm geh bơtàu tơngguh rài kis bơh sền  gàr brê, làng bol đềt mềr ngan mờ brê mờ neh nhap nhar tus bal  broa\ lơh brê. Ồng An Văn Sáu kuang atbồ đơng lam Đảng ntum Đak Tờ Kan, kơnhoàl Tu Mrông ai git:“Làng bol neh bơtàu tơngguh geh git wa\, git go\ geh broa\ atbồ sền gàr brê la cèng wơl bơta kuơ tus sa\ tờm. Nền nòn la làng bol geh dờp bơta kuơ bơh pria\ dà lơgar jàu ai tus broa\ lơh sền gàr brê. Dơ\ 2 la dờp geh bơh brê mờ tàm tiah mbur chi brê nàng tam tờm bời lời mờ ala\ bơta chi tam lơyah ngai. Bơh broa\ lơh do, lơh sa bơh làng bol rhời geh bơtàu tơngguh, làng bol geh ua\ broa\ lơh crơng gơs ala\ ơm gak tàm ala\ gùng lik, gùng mut nàng ala\ cau kơnhau chi brê ờ gơtùi lơh geh. Ala\ [òn drờm lơh geh ala\ mpồl lòt sền”.

            Pria\ geh bơh broa\ lơh sền gàr brê gam dong ala\ cau tờm brê tàm Kon Tum, ngan la mpồl lơh broa\ sa chi brê Dà lơgar bơsong geh kal ke bè khà pria\ nàng atbồ, sền gàr mờ bơtàu tơngguh brê. Jat ala\ mpồl lơh broa\ sa sền gàr brê tàm càr, den gam ờ hềt geh broa\ lơh jàu pria\ sền gàr brê, pria\ jền dà lơgar pah nam ai tus bơh mpồl lơh sa ka\ bro drơng broa\ lơh at bồ sền gàr brê mìng geh 15 rbô pria\ tàm dùl lồ. Tu\ do,  khà pria\ do la rlau 200 rbô, geh tiah geh tus rlau 300 rbô pria\.

            Geh dong pràn bơh khà pria\ 6 tơmàn pria\ pah nam bơh pria\ jàu pria\ sền gar brê, mpồl lơh broa\ dùl na\ sa\ chi brê Đak Tô neh lơh geh cồng nha tàm broa\ lơh atbồ brê kơljap mờ rlau 14 rbô lồ brê tàm kờp jơh 16 rbô lồ brê. Ồng Vũ Văn Cương kuang jat jơng at bồ mpồl ai git:“Bol a` lài jơh pria\ sền gàr brê jàu tus làng bol in la 200 rbô tàm dùl lồ. Kờp jơh khà pria\ bol a` geh  jàu làng bol in dùl nam di 1 tơmàn 600 tơlak pria\. Dơ\ 2 la kờp bal dùl nam bol a` geh ai 120 rbô tờm bời lời. Ngan la nam 2014, bol a` geh broa\ lơh tam brê. Broa\ lơh bơh mpồl la pal gơ hòi làng bol tus bal tam brê nàng khi tus tơn sền gàr brê. Bol a` geh jàu tus làng bol ala\ gơl broa\ lơh tus tơn tàm broa\ tam brê 9 tơlak pria\ tàm rlau dùl lồ. Mờ bơta lơh bal mờ làng bol bè do,  bol a` pin dờ` làng bol geh bal ờ bol a` sền gàr niam ba\ brê geh is kung bè brê tam”.

            Tu\ do,  geh 19 mpồl, rlau 5 rbô hìu nha\ làng bol mờ 23 mpồl bơtìan tàm Kon Tum geh jàu pria\ sền gàr brê, mờ càr gam pơnjat tai tơr gùm tai ala\ khà pria\ geh nàng tơngguh pria\ jàu, tơngguh pria\ geh tus mờ cau lơh broa\ sền gàr  brê. Broa\ lơh do gam lơh geh  bơta tam gơl niam  tàm broa\ lơh lam sồr bơh gơnoar atbồ kung bè bơta at bồ, sền gàr brê.

                                                               }au mblàng K’ Brọp.