VOV4.K’ho – Ngai 3/6, UBND kơnhòal Kon Plông, càr Kon Tum geh sră nggal sồr 4 mpồl geh gơ rềng jal mhar pơ gồp bal lùp khàu, bơsong broă rlau 12 lồ nho tàm xã Đăk Tăng.

Tiah brê nho gơtìp ồs sa

Tàm sră nggal do, UBND kơnhòal Kon Plông sồr 4 mpồl, geh: Hạt kiểm lâm kơnhòal, Kong ti TNHH Một thành viên lâm nghiệp Kon Plông, Kuang àng kơnhòal mờ UBND xã Đăk Tăng jơh nùs pơ gồp bal, jal mhar lùp khàu, đal git, lơh loh jơnau bơh tài gơlik geh ồs sa rlau 12 lồ nho nàng lơh glài jat jơnau cih bơh adat boh lam dê; sồr kuang bàng lòt sền, jòi kup, bơ to bơtê adat boh lam bè atbồ, sền gàr brê, ờ ai chu mus brê lơh mìr…

Bal mờ broă ồs sa rlau 12 lồ nho pe nha 7 sơnam pa gơlik geh tàm kơnhòal Kon Plông, bơh bồ nam tus tu\ do tàm ală kơnhòal: Đăk Tô, Tu Mrông, Đăk Hà, Sa Thầy, Đăk Glei mờ Kon Rẫy bơh càr Kon Tum dê kung neh gơlik geh 10 dơ\ ồs sa, lơh hoàc huơr rlau 46 lồ brê.

Cau mblàng K’ Duẩn