VOV4.K’ho - Mho òr (14/7),  Sở Nông nghiệp mờ Phát triển Nông thôn Kon Tum neh geh jơnau yal geh đơs tờm bơh tài bơh sơnrờp gơlam ka chơt  ka ròng tàm hìu gu\ tàm tơnau dà hìu ma\y pờ tơlik ồs đèng Plei Krông tàm kơnhòal Dak Hà chơt nisơna la bơh khà ôxy lơyah.

Cồng nha geh  was tàm 2 ngai lài  tàm anih ròng ka hìu gu\ bơh ala\ hìu nha\ do ai go\,  khà ôxy  lơyah hờ đơm 4mg/lit. Gơbàn bơta do la bơh khà dà tàm tơnau dà hìu ma\y pờ tơlik ồs đèng Plei Krông gơmù lơyah. Bal  mờ hơ\,  mìu dờng neh lơh  gơ jat bal khà ù bo\,  dà gơ sơkal gơlam khà ôxy tàm dà mơ gù lơyah.  Jơnau yal geh đơs tờm,  ka chơt ua\ ngan la ka Diêu Hồng mờ ka Trắm cỏ. Ala\ ka ndai bè ka chềng ròng tàm hìu gu\ kung bè ờ ua\ ka kis is tàm tơnau dà ờ gơ bàn chơt dùl ròt.

Den tàng ngan, bơh sơnrờp ờ geh bơta khi tàm dà. Bulah bè hơ\,  Sở Tài nguyên mờ Môi trường Kon Tum neh ai dà nàng mblàng, sền wơl kờ` git ngan bơh tài gơbàn. Kờp du\ cồng nha geh yal tàm ngai 20/7. Jat trơ gùm kờp geh 72 tấn ka chơt,  kờp hòac hươr di 2 tơmàn pria\. Gah lơh sa suơn sre  geh jơnau đơs mờ UBND càr sền, lam sồr ala\ gah lơh broa\ geh gơrềng mut lơh  mo lam sồr khòm trơ gùm, bơsong ka chơt,  ta\ pria\ rcang lài dong kờl tus cau ròng ka gơbàn aniai.

                                    Cau cih mờ yal tơnggit K’ Brọp