VOV4.K’ho- Càr Kon Tum neh mờ gam lơh krà` cê jơh nùs ngan broă lơh tam dră mờ kơryan broă lơh “ai càn priă sa priă cồng uă” nàng kờ` gàr niam lơngăp lơngai ờdo ờdă tàm càr. Bal mờ broă kờp sền, gròi sền krà` ală mpồl cau mờ cau dùl nă să is geh broă lơh ai càn priă, càr Kon Tum kung sơlơ tơnguh tai broă lơh ai càn priă ờ sa priă cồng uă dong làng bol bơsong ală kal ke.

Jăt sră cih mat dan lơh sa kă bro tàm Sở Kế hoạch mờ Đầu tư càr Kon Tum dê, tàm ù tiah càr dê tu\ do geh 9 công ty mờ ală gah broă lơh sa kă bro: “Broă lơh ai càn priă ndai”, “broă lơh lơh kòn gùng priă jền ndai”. Anih lơh broă geh gơnoar kung kờp sền mờ go\ geh 13 mpồl cau, bal mờ pơgăp 30 nă cau pin ai càn priă sa priă cồng uă bơh broă lơh lir sră yal tơngi\t. Gùng dà broă lơh bơh ală mpồl cau do dê rơlăc rơliang ngan bè ai càn priă bơh broă lơh ai apah jơtài bè rơndeh ô tô, rơndeh măy…, ai càn priă bơh broă lơh dan mờ sră pơ àr ờ duh pal geh phan pơgơl nàng càn priă ngui sa…

Jat mờ hơ\, càr Kon Tum neh sồr ală sở, ban, gah sơnah lơh broă geh gơrềng bal, ngan là mpồl Kuang àng sơlơ tam dră, krà` cê jơh nùs kơryan jơh ală mpồl cau geh broă lơh ai càn priă sa priă cồng uă, blăc pơrlồm…

Mpồl kuang àng ală kấp sơlơ lơh tai ală gah broă lơh ờs mờng, lùp nàng gi\t broă gơlik geh, kờp sền cih mat mờ lơh sră nggal atbồ cau mờ mpồl cau lơh tìs geh mpồl, tơngo\ lơh broă “ai càn priă sa priă cồng uă”, mpồl cau lơh tìs sơmờm broă lơh ai càn priă sa priă cồng uă nàng lơh broă tìs, mpồl cau lơh broă lòt lùp dồs apah, rồn bơklơn ku\p ai jơtài…

Bơdìh hơ\ tai, mpồl kuang àng ală kấp pơgồp bal mờ anih lơh broă geh gơrềng bal lùp khàu, lơh loh làng gơnoar broă bơh công ty, mpồl lơh sa kă bro geh lơh sră cih mat dan lơh sa kă bro drơng broă lùp dồs, lơh broă ai càn priă ndai.

Bal mờ hơ\ là lơh niam broă dờp, bơsong jơnau yal, jơnau yal yă bè cau tìs mờ sồr yal yă, lùp khàu gơ wèt mờ ală broă lơh bơh cau sơmờm broă lơh lơh sa kă bro “ai càn priă sa priă cồng uă”, lơh glài krà` jat jơnau cih bơh kơrnoat boh lam dê.

Ală gah lơh broă geh gơnoar mblàng yal, bơto yal, bơto bơtê ai làng bol in gùng dà, broă lơh bơh ală cau lơh tìs geh gơrềng tus ai càn priă nàng jơh tơl nă cau in tơnguh uă nùs nhơm rcăng ngac, gi\t kơrhia, tus bal yal yă cau gơrềng tus broă lơh “ai càn priă sa priă cồng uă”.

Tơrgùm kờp bơh kuang àng càr Kon Tum dê, bơh nhai 6 nam 2018 tus nhai 6 nam 2019 pa do, mpồl kuang àng ală kấp tàm càr neh lơh 30 dơ\ hòi lùp, bơto tơngkah lài pơgăp 50 nă cau ai càn priă sa priă cồng uă.

Bơdìh hơ\ tai, kuang àng càr neh tam dră ku\p kơryan jơh 4 anih geh bơta pin pơrdah lơh broă ai càn priă sa priă cồng uă; yal yă 3 dơ\ mờ 4 nă cau bè broă lơh “ai càn priă sa priă cồng uă tàm broă lơh làng bol” mờ kờp jơh priă ai càn gi\t nđờ tơmàn.

Bal mờ broă lơh tam dră krà` cê jơh nùs bơh mpồl lơh broă geh gơnoar dê, gah Ngân hàng lơh broă tàm ù tiah càr Kon Tum dê kung jơh nùs ngan lơh uă broă lơh ai càn priă, rề ơnàng broă lơh ai càn priă drơng tàm broă lơh sa mờ ngui sa bơh làng bol dê; ai tơl bơta [ươn ai làng bol in geh càn priă, bơh hơ\ ờ geh tu\ ai “ai càn priă sa priă cồng uă” in lơh broă.

Bàr pe ngân hàng gam geh ală broă lơh pa nàng gơtùi ai càn mờ jòi tus năc càn priă bè lơh rơndeh ngân hàng lòt làm bă tiah; crơng gơs ală mpồl tềm pềr priă mờ càn priă tàm tơl thôn, [òn…

Pơnrơ là Ngân hàng Nông nghiệp mờ Phát triển Nông thôn (Agribank) neh lơh Broă lơh ai càn priă ngui sa bal mờ pơgăp 5 rbô tơmàn, bơnah priă càn ngui sa uă ngan rlau jơh là 30 tơlak, sră nggal sền swì ki\, ai càn tơn tàm ngai.

 Ngân hàng Chính sách xã hội Việt Nam neh tơnguh khà ai càn uă ngan rlau jơh bơh 50 tơlak dùl hìu gơguh tus 100 tơlak dùl hìu; geh broă lơh ai càn priă ờ duh pal geh phan pơgơl gơ wèt mờ hìu r[ah, hìu mờr bè hìu r[ah, hìu pal klàs r[ah; tơn jo\ tơngai ai càn bơh 60 nhai tus uă ngan rlau jơh là 120 nhai gơ wèt mờ hìu r[ah; sơlơ ai càn lơh bal bơh mpồl càn priă, Mpồl tam klac cau ùr, Mpồl cau ling yau…

Kơ\p kơnờm mờ bơta lơh ngan jơh nùs bơh mpồl lơh broă geh gơnoar càr Kon Tum dê, jơnau “ai càn priă sa priă cồng uă” geh kơryan geh, gàr niam bơta lơngăp lơngai ờdo ờdă nàng làng bol in iang nùs bơtàu tơnguh lơh sa, bơ\t bơtàu rài kis pa.

Cau mblàng Lơ Mu K’Yến