VOV4.K’ho - Tàm ala\ ngai do,  kes pria\ sền  gàr mờ  bơtàu tơngguh brê càr Kon Tum gam bơyai lơh dùl broa\ lơh geh  pơrya ngan, hơ\ la broa\ lơh yal tơnggit ‘’Lòt bal mờ oh tus hìu bơsram’’. Do la broa\ lơh geh pơ gồp ngan ai broa\ lơh jàu pria\ sền gàr brê geh pơnjat tai geh ngui tàm rài kis, bơtàu tơngguh git wa\ bơh làng bol tàm atbồ, sền gàr mờ bơtàu tơngguh brê.

            Mo tơn lài mờ tu\ tus mut nam bơsram pa 2017-2018, ala\ cau pơgru bal mờ 212 na\ kơnòm bơsram Hìu bơsram cấp 2 Văn Lem, xã Văn Lem, kơnhoàl Dak Tô geh tus bal broa\ lơh geh pơrya ngan, hơ\  la broa\ lơh yal tơnggit jơnau ‘’Lòt bal mờ oh geh tus hìu bơsram’’ bơh kes pria\ sền gàr mờ bơtàu tơngguh brê càr Kon Tum bơyai lơh. Pơgru Phạm Văn Hùng , Hiệu trưởng hìu bơsram ai git, 100% kơnòm bơsram la oh kòn làng bol kòn cau Sêdang, rài kis hìu nha\ gam ua\ ngan kal ke. Broa\ ala\ oh geh tus bal tàm  broa\ lơh yal tơnggit ‘’Lòt bal mờ oh tus hìu bơsram’’ kờ` tơngguh git wa\ bè brê, geh pà sra\ cih mờ  cèng geh ua\ bơta chờ hờp tai:

            Hìu bơsram cấp 2 Văn Lem nam do geh kes pria\ sền gàr mờ bơtàu tơngguh brê Kon Tum sền gròi ngan. Jơnau cih geh lip tềng tơl ngkàr sra\ ma\y, sra\ cih bơh kơnòm bơsram bơh hìu bơsram dê geh lơh bal, bơto bơtê bơta trơ gùm bè sền gàr tiah kis, tàm hơ\ tiah kis brê la kuơ màng ngan tàm tơngai tu\ do. A` go\ do la phan pà dờng màng ngan kờp bal geh bơta pơrya nùs nhơm mờ phan bơna, nùs nhơm bơh ala\ oh la dùl nam bơsram kờ` ala\ oh ờ ơm bơsram jat mờ  tus tơngai lơh broa\ hìu nha\.

            Bal mờ broa\ geh yal tơnggit tơn tềng do,  ala\ oh geh kah jo\, tềng ala\  pang ngkàr  git nđờ jơt pang sra\ cih pà ala\ kơnòm bơsram, Kes pria\ sền gàr mờ bơtàu tơngguh brê càr Kon Tum gam lip ala\ jơnau sơnđan, bè: Tài rnàng tơlir Việt Nam, Tài tu\ do, tơnơ\ do pal at tê bal sền gàr mờ bơtàu tơngguh phan bơna brê kơljap, Mut lơh niam broa\ lơh jàu pria\ sền gàr brê la attê bal sền gàr mờ bơtàu tơngguh phan bơna brê kơljap, Pal lơh broa\ te\ tài dùl plai ù tơlir. Tus bal broa\ lơh yal tơnggit ‘’Lòt bal  mờ oh tus hìu bơsram’’ bal mờ pơgru, kơnòm bơsram hìu bơsram cấp 2 Văn Lem, mò Võ Thị Phương Trang, Phó Chủ tịch UBND xã Văn Lem, kơnhoàl Đăk Tô, ai git:

            Xã  bol a` la  xã ua\ ngan kal ke, rài kis lơh sa phan bơna bơh làng bol gam kal ke ngan, do la dùl tàm ala\ phan pà nàng dong tơl bơta ai tus ala\ hìu nha\  kal ke nàng ờ duh blơi sra\ ma\y sra\ cih. Bơh bùi ngai do kơp kờ` cau pơgru, ala\  kơnòm bơsram bol he lơh ngan rlau tai tàm broa\ lơh bơto mờ bơsram. Cau pơgru mờ kơnòm bơsram hìu bơsram bol he lơh geh ua\ ngan cồng nha rlau tai.

            Geh bơyai lơh mo tơn  lài mờ tu\ mut nam bơsram pa tàm 105 hìu bơsram mờ dùl hìu bơsram cấp 2 bơh 76 xã tàm càr, broa\ lơh yal tơnggit ‘’Lòt bal mờ oh tus hìu bơsram’’ bơh Kes pria\ sền gàr mờ bơtàu tơngguh brê càr Kon Tum mut lơh geh cèng geh tus ala\ kơnòm bơsram in ua\ ngan jơnau  git wa\ bè bơta kuơ bơh brê kung bè broa\ lơh bơh ala\ oh in  gơtùi lơh hala kờ` lơh nàng pơ gồp bal sền gàr,  bơtàu tơngguh brê. Đơs bè broa\ lơh yal tơnggit do, ồng Hồ Thanh Hoàng, atbồ Kes pria\ sền gàr mờ bơtàu tơngguh brê Kon Tum ai git:

            Broa\ lip ala\ jơnau  yal tơnggit sền gàr brê tàm ala\ pang ngkar sra\ cih kờ` ala\ oh kơnòm bơsram geh git tơn tus ala\ oh la kơnòm bơsram tàm dùl nam bơsram. Bơh hơ\,  gơ geh  dờp tus mờ mè bèp kơnòm bơsram, tus cau pơgru. Bè bơta bơta gơ rề bơh gơ dê la  dờng ngan. Bơh mùl màl tàm ala\ hìu bơsram, ala\ xã neh dờp geh bơta sền gròi  dờng ngan bơh gơnoar atbồ kung gè ala\ cau pơrgu bơh ala\ hìu bơsram. Gơnoar atbồ [ònm  lơgar ala\ cau pơrgu jờng ngan mờ kơp kờ` Kes pria\ sền gàr mờ bơtàu tơngguh brê pơnjat tai geh mut lơh broa\ lơh do tàm ala\ nam pơnjat tai.

                                           Cau cih mờ yal tơnggit K’ Brọp