VOV4.K’ho- Tus tơngai do, neh geh 2 Đảng bộ kấp kơnhoàl mờ ndrờm bal tàm càr Kon Tum jơh lơh Pơrjum dờng lơh tơrlòng, tàm hơ\ geh 1 pơrjum dờng lơh jăt broă pồ tơn Bí thư. Ală mờng chài bơyai lơh pơrjum dờng gam geh Tỉnh ủy Kon Tum tơrgùm wơl, bơto pơlam ai ală Đảng bộ gam wơl in tàm ală tu\ rcăng bơyai lơh pơrjum dờng.

Tàm lồi nhai 5 mờ bồ nhai 6 pa do, Đảng bộ kơnhoàl Ia H’Drai mờ Tu Mơ Rông bơh càr Kon Tum dê neh bơyai lơh geh cồng nha pơrjum dờng lơh tơrlòng lài. Jăt ồng Nguyễn Hữu Thạch, cau geh pơrjum dờng pin dờn pồ ăt tai gơnoar broă Bí thư Huyện ủy Ia H’Drai đơs, bơta lơh gơlik cồng nha bơh pơrjum dờng dê hơ\ ngan là broă lơh rcăng lài geh lơh wil tơl bơh tơngume, broă kuang bàng tus broă drơng broă. Ồng Nguyễn Hữu Thạch, đơs: Gơ wèt mờ dùl pơrjum dờng geh pe broă pal rcăng niam ngan. Lài ngan, là bè tơngume. Dơ\ 2 tai là bè kuang bàng lơh broă. Dơ\ pe là broă bơyai lơh drơng broă. Lơh jăt niam tàm pe broă hơ\ bơ\t bơtàu broă lơh, broă rơndăp lơh gơ in loh làng, tàm jàu kơnòl nền cê tus tơl mpồl dong broă. Lơh jăt niam ală jơnau sồr nàng bol he rcăng ală broă gơ in niam bè tơngume, bè kuang bàng lơh broă mờ bè bơyai lơh drơng broă bè hơ\ den pơrjum dờng là geh lơh geh cồng nha gơ dê.

Pơrjum dờng cau ala măt Đảng bộ kơnhoàl Tu Mơ Rông

 Tơnơ\ lơh geh cồng nha bơh pơrjum dờng lơh tơrlòng lài Đảng bộ kơnhoàl Ia H’Drai, bơh ngai 7 tus ngai 9/6 pa do, Đảng bộ kơnhoàl Tu Mơ Rông bơyai lơh Pơrjum dờng cau ala măt dơ\ 17, tơngai lơh broă bơh nam 2020- 2025 bal mờ 243 nă cau ala măt tus bal pơrjum. Do là Đảng bộ kấp kơnhoàl mờ ndrờm bal bơh sơnrờp bơh càr Kon Tum dê lơh jăt jơnau sồr lơh tơrlòng lài pồ tơn Bí thư tàm Pơrjum dờng mờ lơh geh cồng nha niam bơne\. Mò Nghe Minh Hồng, 47 sơnam, cau Sơdàng, jơh bơsram Đại học Y; jơh bơsram cao cấp lý luận chính trị, geh Pơrjum dờng pin dờn pồ lơh Bí thư Huyện ủy Tu Mơ Rông bal mờ khà sră pồ geh 94,23%. Yal bè cồng nha bơh pơrjum dờng dê, mò Nghe Minh Hồng, pà gi\t: Broă lơh bè kuang bàng lơh broă là dùl broă dờng màng ngan nàng sac rwah ală cau geh tơl nùs nhơm niam, broă lơh jak, lơh geh tơl ală bơta, jơnau sồr. Tàm ală broă jăt jơnau sồr, den bol a` neh kờp sền nền nòn ngan. Bơh broă kuang bàng tơlik măt te\ khà tai lơh jăt di broă rơndăp tăp sèng mờ ală broă kuang bàng lơh broă bơta rơndăp tăp sèng pa ndrờm pal lơh jăt di ală jơnau sồr. Pal geh bơta pràn jak, pal geh kơnòl geh bơta jơh nùs mờ pal geh nùs nhơm lơh krơh. Tu\ mờ sac rwah kuang bàng lơh broă kấp ủy hơ\ là bồ tơngoh jak bơh jơh bal Đảng bộ dê.

Uă cau ala măt tus bal Pơrjum dờng Đảng bộ kơnhoàl Ia H’Drai mờ Tu Mơ Rông ndrờm geh bal dùl jơnau đơs, là: bơh broă lơh, broă rơndăp lơh pơrjum dờng geh rcăng niam ngan, nền cê ngan; jơnau yal tơngai lơh broă wil tơl tơngume, [ươn wa\, khà sồ lơh pơrya gơtùi dờp; gùng dà tơngai lơh kơnòl broă pa gi\t geh ală kơnòl, jơnau kờ` loh làng mờ gùng dà broă lơh geh bơta gơtùi lơh jăt ngan ngồn uă tàm rài kis nàng lơh jăt geh cồng nha Kơrnoat pơrjum dờng tàm tơngai lơh broă pa dê; broă lơh te\ khà tàm pơrjum dờng geh lơh jăt niam, geh khà mờ rơndăp tăp sèng dipal; ală cau geh pồ lơh broă tàm Ban Chấp hành geh broă lơh jak, geh bơngă pin dờn lơh di jơnau kờ` kơnòl broă dê…

Cau ala măt đùh sră pồ Ban Chấp hành tơngai lơh broă pa

Mò Trương Thị Linh Bí thư Huyện ủy Đăk Tô lòt pơrjum dờng lơh tơrlòng lài Đảng bộ kơnhoàl Ia H’Drai dơ\ 17, tơngai lơh broă bơh nam 2020- 2025 nàng bơsram, ai jơnau bơsram mờng chài bè bơyai lơh pơrjum dờng tiah he dê, pà gi\t: A` gi\t geh hơ\ là broă rcăng lài sră nggal kuơmàng ngan nàng lơh geh cồng nha bơh pơrjum dờng dê. Tàm ală tu\ geh lơh pơrjum dờng tơrgùm tàm jơnau yal sră nggal mờ cribơyai sră nggal nàng lơh bè lơi ai tơlik geh broă lơh broă, Kơrnoat rềp mềl mờ bơta geh ngan bơh tiah he dê mờ geh bơta lơh ngan jơh nùs uă ngan rlau jơh nàng lơh jăt geh cồng nha Kơrnoat, broă lơh broă neh ai tơlik. Bè kuang bàng lơh broă den ală broă, ală bơta pal lơh dùl bă làng bol lơh tờm ngan, song dơ pă, loh làng, ờ ndơ\p mpồn, sac rwah di cau, di broă nàng geh dùl Ban Chấp hành pa là ală cau khin kơlôi, khin lơh, khin lơh broă lơh ngan jơh nùs bal mờ Đảng bộ nàng lơh geh cồng nha ală kơnòl broă, broă jàu mờ Pơrjum dờng neh ai tơlik.

Bal mờ să tờm tơn tus bal Pơrjum dờng lơh tơrlòng lài Đảng bộ kơnhoàl Ia H’Drai mờ Tu Mơ Rông nàng iăt kơno, ai jơnau bơsram ai broă bơyai lơh pơrjum dờng bơh tiah he dê in, bơh cồng nha lơh geh bơh 2 pơrjum dờng lơh tơrlòng lài dê, tu\ do Tỉnh ủy Kon Tum kung gam bơto pơlam, yal tơngi\t bơta mờng chài tus mờ ală Đảng bộ kấp kơnhoàl mờ ndrờm bal in gam tàm ală broă rcăng pơrjum dờng.

Cau cih Khoa Điềm- Cau mblàng Lơ Mu K’Yến