VOV4.K’ho- Tềng đăp bơta gơbàn mhar, kal ke ngan gơtùi gi\t lài bơh kòp Covid-19 dê, nàng gròi sền kòp lơh bơtờp bơh đah bơdìh tus tàm càr, càr Kon Tum gam geh rlau 4 rbô 700 nă cau rê bơh tiah geh kòp geh ơm yah ngài, jăt sền. Tàm rlau 4 rbô 700 nă cau tàm càr Kon Tum rê bơh tiah geh kòp Covid-19 gam geh ơm yah ngài, jăt sền tàm ală anih lơh sơnơm.

Cồng nha xét nghiệm pa ngan rlau jơh virus Sars CoV-2  dơ\ dùl gơ wèt mờ ală cau pin bơtờp kòp geh Sở Y tế càr Kon Tum yal ndrờm ờ bơtờp. Tàm hơ\ geh jơnau bơh ùr ơruh ơm tàm kơnhoàl Đăk Hà dê geh ơm rềp mờ cau kòp Covid-19 sồ 564. Tu\ do bulah ờ hềt geh cau kòp, mơya ală anih lơh sơnơm lơh jăt broă ơm yah ngài, jăt sền ală cau pin bơtờp kòp Covid-19 bơh càr Kon Tum dê neh rcăng lài mờ ală jơnau digơlan gơlik tus ờ niam ngan rlau jơh.

Cau mblàng Lơ Mu K’Yến