VOV4.K’ho – Tềng đap broă gơlik geh pa bơh kòp Covid-19 dê tus mờ 3 nă cau kòp tàm mpồl bơtìan tàm [òn dờng Đà Nẵng mờ càr Quảng Ngãi bơ tờp mờ virus SARS-CoV2, drim ngai 27/7, UBND càr Kon Tum neh pờ wơl 4 anih sền gròi rơcang sơndră kòp Covid-19 tàm ală gơl gùng dờng lòt gan tàm càr.

UBND càr Kon Tum sồr ală sở, gah broă lơh, ală tiah lam lơh broă wơl 4 anih sền gròi mờ mpồl lơh broă làm gah sền gròi rơcang sơndră kòp Covid-19 tàm ală gơl gùng dờng lòt gan càr. Sở Y tế kong kơnòl pơlam bè mờng chài lơh broă, kỹ thuật rơcang sơndră kòp bè yal gah lơh sơnơm in, lùp sền dịch tễ, tam cah is, bơsong tiah geh kòp.

Cau mblàng K’Duẩn