VOV4.K’ho - Di tơnkah 41 nam Ngai cau koĕt kơl te Việt Nam ngai 18 nhai 4, drim òr (15/04), tàm ƀòn dờng Kon Tum, Mpồl sền gàr gơnoar kơnòm dềt mờ dong kờl cau koĕt kơl te càr Kon Tum bơyai lơh pơrjum pơn jờng cau koĕt kơl te sơrlèt mờ kal ke tơrgùm bal mờ mpồl bơtiàn mờ cau dong kờl geh pơnrơ dơ̆ 6 nam 2021.

Tàm pơrjum, 100 nă cau koĕt kơl te geh pơnrơ jăk tàm broă bơsram sră, lơh sa, kă bro, dong kờl cau tàm mpồl bal neh geh pơn jờng mờ pà phan. Do là ală cau geh pơnrơ jăk tàm khà rơlao 6 rơbô 200 nă cau koĕt kơl te tàm càr Kon Tum neh geh uă broă lơh ngan sơrlèt mờ kal ke, tơn jơh bơta ƀàs sìl lơh ngan brồ guh tàm rài kis.

Di tàm dư̆ do, UBND càr Kon Tum pà sră jờng rơ ai 1 mpồl mờ 1 nă cau geh cồng nha jăk chài ngan tàm broă lơh rài kis lơh sa mpồl bơtiàn; Mpồl cau sền gàr gơnoar kơnòm dềt mờ dong kờl cau koĕt kơl te càr Kon Tum pà sră jờng rơ ai 18 nă cau geh cồng nha jăk tàm broă tơrgùm bal mờ mpồl bơtiàn.

Cau mblàng Ndong Brawl