VOV4.K’ho – Anih duh broă làng bol càr Kon Tum pa bơyai lơh pơrjum tơn jơh 5 nam mut lơh broă lơh bơt bơtàu [òn lơgar pa.

5 nam do, càr Kon Tum neh geh 9 ntum bơh sơn rờp lơh geh 19 tàm khà 19 broă lơh, tàm hơ\ geh 5 ntum neh geh dờp khà tơl [òn lơgar pa, 5 ntum lơh geh bơh 15 tus 18 broă lơh, 14 ntum lơh geh bơh 10 tus 14 broă lơh, 45 ntum lơh geh bơh 5 tus 9 broă lơh mờ 13 ntum lơh geh hơ đơm 5 broă lơh… Đơs tơn jơh pơrjum, ồng Đào Xuân Qúi, kuang jat jơng atbồ đơng lam Đảng, mơlà kuang atbồ Anih duh broă làng bol càr Kon Tum đơs là, bulah cồng nha bơt bơtàu khà tơl broă lơh [òn lơgar pa neh gơguh uă jat tơl nam, kuơ màng ờ uă broă lơh geh khà ntum lơh geh uă; bal mờ hơ\, kung gam ờ uă bơta ờ niam, kal ke, bè broă mblàng yal, lam sồr mờ lam lơh srơh pơr lòng ờ hềt tơl pràn; broă lam sồr bơta pràn gam ờ niam; broă đơng lam bơtàu tơnguh lơh sa, bơt bơtàu ală broă lơh gam kui kuơ… Ồng Đào Xuân Qúi sồr ală tiah, ală anih lơh broă tơr gùm đơng lam mờ pơlam ală ntum bơt bơtàu rơndap broă mùl màl tàm broă bơt bơtàu [òn lơgar pa, đal git loh rơndap broă lơh pah nam; chồl pràn broă lam lơh srơh pơr lòng bơt bơtàu [òn lơgar pa mờ bơyai lơh hòi jà ală mpồl lơh sa kă bro, mpồl bal, cau dùl nă să tus bal ki\ dong kờl ală ntum bơt bơtàu [òn lơgar pa.

                                                                    Cau cih mờ yal tơngit K’ Duẩn.