VOV4.K’ho – Ngai òr 12/11, tàm [òn dờng Kon Tum, Gah Lơh sơnơm dà lơgar pơgồp bal mờ Anih duh broă làng bol càr Kon Tum dê bơyai lơh Pơrjum tơn jơh dơ\ lòt sền mờ dờp càr Kon Tum neh kơryan geh kòp dun tàm càr. Do là càr du\t ndơl tàm gùt lơgar lòt sền mờ lơh geh tơl khà do.

Nàng geh dờp là kơryan geh kòp dun tàm càr, tàm 3 ngai do, Mpồl lòt sền bơh Gah Lơh sơnơm dà lơgar dê geh crơng gơs neh tus sền ngan ngồn tàm 10 ntum bơh càr Kon Tum dê. Cồng nha, càr lơh geh rlau 279 điềm, săp khà jak ngan, lơh geh tơl 4 khà jat jơnau cih tàm Kơrnoat bơto pơlam sồ 17 bơh Gah Lơh sơnơm dà lơgar dê, mùl màl bè do: 3 nam sùm khà cau geh kòp dun hơđơm 0,2 tàm 100 rbô nă làng bol; tàm tơngai lòt sền khà sền go\ cau pa gơbàn kòp dun hơđơm 1 tàm 100 rbô nă làng bol; khà kue\t kơltê khà II tàm cau pa gơbàn kòp dun là hơđơm 15%...Broă càr Kon Tum geh dờp là kơryan geh kòp dun tàm càr là phan jờng dờng màng ngan tus mờ mpồl kuang bàng cau lơh sơnơm lơh broă do tàm sùm 20 nam do, mơkung pờ tơlik dùl tu\ tơngai pa tàm broă rcang sơndră kòp dun bơh càr dê.

Cau cih mờ yal tơngi\t- Lơ Mu K’ Yến