VOV4.K’ho – Ngai 2/9, tàm jơh gơl gùng nhàr lơgar jòng rlau 292 kơi sồ rềp mờ lơgar Lào, lơgar Campuchia, ală Pôs ling sền gàr tiah nhàr dà lơgar tàm càr Kon Tum neh bơyai lơh ua\ broă lơh geh kuơ, tơnguh rlau tai bơta chờ hờp di tơngkah kir sơnrai 75 nam ngai dà lơgar lơngap lơngai is ai làng bol tiah nhàr dà lơgar in, tàm hơ\ pơn rơ ngan là broă lơh bơh kuang bàng, cau ling Pôs ling sền gàr tiah nhàr dà lơgar Sa Loong bơyai lơh.

Tê ìa jơ trơi ling sền gàr tiah nhàr dà lơgar siat so\ ai kơ nòm bơsram hìu bơsram kấp 1 Nguyễn Văn Trỗi in

Di tu\ do, kuang bàng, cau ling Pôs ling sền gàr tiah nhàr dà lơgar Sa Loong neh lòt còp, pà phan 2 hìu bơnhă geh màng mờ dà lơgar mờ 2 nă cau dờng sơnam mờ Pôs ling sền gàr tiah nhàr dà lơgar do dờp sền gròi, ròng siam;

Ala mat Pôs ling sền gàr tiah nhàr dà lơgar Sa Loong còp, pà phan hìu bơnhă geh màng mờ dà lơgar

Bơyai lơh “Ngai chờ tê ìa jơ trơi ling sền gàr tiah nhàr dà lơgar”, siat so\ ờ sa pria\ ai rlau 100 nă kơnòm bơsram hìu bơsram kấp 1 Nguyễn Văn Trỗi mờ làng bol xã Sa Loong in; pà sră ma\i, sră cih, àu mpha rơcang mut nam bơsram pa ai 1 nă sau là kòn ròng bơh Pôs ling sền gàr tiah nhàr dà lơgar dê in mờ 4 nă kơnòm bơsram gơ wèt Broă lơh “Dong kờl oh tus hìu bơsram”, pơlam 70 hìu bơnhă gơ wèt hìu bơnhă r[ah tàm xã bè bơta chài ròng sur, ơda  mờ tam tờm bời lời nàng bơtàu tơnguh lơh sa.

Cau mblàng K’Duẩn