VOV4.K’ho- Tàm càr Kon Tum priă tă tơm priă sền gàr brê neh gàr niam ai broă atbồ, sền gàr rlau 360.000 lồ brê, lơh geh pơgap 63,5%  kờp jơh bă brê geh tu\ do bơh càr dê.

Jơnau yal bơh Kes priă sền gàr mờ Bơtàu tơnguh brê càr Kon Tum pà go\ tàm tơngai kờp bơh nam 2013 tus jơh nam 2018, mpồl neh ai priă tă tơm priă sền gàr brê geh rlau 1 rơbô tơmàn. Khà priă do geh tơm nàng sền gàr cồng nha brê geh is tàm càr. Bal mờ hơ\ là tam pa mờ sơng ka sền gàr geh rlau 522 lồ brê.

Ồng Hồ Thanh Hoàng, Kuang atbồ Kes priă sền gàr mờ Bơtàu tơnguh brê càr Kon Tum, đơs ngan:

 Broă tă tơm priă sền gàr brê neh lơh geh bơnàng jă lơh sa kơ\ kơl jap nàng bơcri priă ai broă atbồ, sền gàr mờ bơtàu tơnguh brê, tơrmù bơta kơn jơ\ ai kes priă dà lơgar in, ală mpồl tờm brê neh rcang bè ală priă jền pah nam nàng lơh ală broă lơh sền gàr brê geh cồng nha, pơgồp bơnah gàr niam bă ù brê gam geh tu\ do, geh  jơh bal mờ khà, bơta niam mờ bơtàu tơnguh brê.

Ngan ngồn pà go\ tàm càr Kon Tum, gơ wèt mờ ală hìu bơnhă, cau dùl nă să is, mpồl bơtìan làng bol ơm kis tàm thôn geh Dà lơgar jàu ù, jàu brê den priă lơh geh kờp bal pah nam bơh khà priă tă tơm priă sền gàr brê geh pơgap 4 tơlak 300 rơbô tàm dùl hìu bơnhă. Mpồl bơtìan làng bol tàm thôn pơgap 31 tơlak 600 rơbô đông tàm dùl mpồl bơtìan thôn tàm dùl nam.

Gơ wèt mờ ală hìu bơnhă, mpồl hìu bơnhă, mpồl bơtìan làng bol tàm thôn, bơyai lơh dờp jàu atbồ, sền gàr brê kờp bal pah nam priă lơh geh bơh khà priă tă tơm priă sền gàr brê lơh geh pơgap 7 tơlak 300 rơbô đông tàm dùl hìu bơnhă tàm dùl nam; mpồl bơtìan làng bol ơm kis tàm thôn pơgap 115 tơlak tàm dùl mpồl bơtìan thôn tàm dùl nam; mpồl hìu bơnhă pơgap 39 tơlak priă tàm dùl mpồl hìu bơnhă tàm dùl nam mờ mpồl cau pơgap 308 tơlak priă tàm dùl mpồl tàm dùl nam. Do là dùl khà priă lơh geh uă đau sơl pơn ndrờm mờ priă lơh geh bơh ală hìu bơnhă kis tàm brê mờ rềp brê in, tơnguh priă geh kuơ tơn bơh brê dê pơgồp bơnah tơn jơh jơ gloh tơrmù r[ah.

Bi A Cút, dùl nă làng bol kis tàm [òn  Đăk Lei, xã Đăk Choong, kơnhoàl Đăk Glei pà g^t, kơnờm geh priă bơh brê mờ làng bol g^t wă niam rlau tai tàm broă sền gàr brê.

 Lài òr làng bol he koh kơl brê khat gơ boh. Tu\ do geh sền gàr bloh, căng gàr, sền gàr brê geh is. Làng bol he niam ngan ờ koh kơl mus brê tai. Brê lài do gơtìp koh kơl tu\ do den brê neh geh hòn gơs wơl.

Broă tă tơm priă sền gàr brê geh mut lơh geh cồng nha tàm càr Kon Tum, gam lơh geh bơta tam gơl kuơ màng tàm broă atbồ, sền gàr brê. Kờp sền bơh Chi cục Kiểm lâm càr Kon Tum dê pà go\, kờp bơh nam 2013 khà dơ\ koh kơl brê tìs mờ adat boh lam là 356 dơ\, bă brê lơh tìs là rlau 80 lồ mơya tus nam 2017 gơmù gam 65 dơ\, bă brê lơh tìs là 10 lồ.

Gơtùi go\ broă lơh tă tơm priă sền gàr brê neh geh gơ dờp niam ngan tàm broă atbồ, sền gàr brê tàm ù tiah càr dê; brê hời rơ hời geh niam wơl, tơnguh bơta pràn rcang gàr bồ tô dà, tam pà dà mờ gàr tơl dà ai broă lơh sa đơs bal mờ broă lơh sa bơh ală anih ngui broă tă tơm priă sền gàr brê đơs is. Bal mờ hơ\, broă lơh do kung neh gơ dờp niam ngan tus rài kis bơh g^t nđờ rơbô nă cau lơh broă tàm brê tàm ù tiah càr dê.

Cau mblàng K’ Hạnh